शिक्षण
Gayatri Laxmikant MaliMPSCच्या औषध निरीक्षक, गट-ब पदाच्या पेपरफुटी प्रकरणात मुंबई गुन्हे शाखेने मोठी कारवाई करत MPSCच्या तीन अधिकाऱ्यांसह सहा जणांना अटक केली आहे. याप्रकरणी संपूर्ण भरती प्रक्रिया रद्द करण्यात आली असून फेरपरीक्षा घेतली जाणार आहे. यापूर्वी अर्ज केलेल्या उमेदवारांना पुन्हा अर्ज करण्याची किंवा परीक्षा शुल्क भरण्याची गरज नसणार आहे.
Sukanya Peraneऔसा येथील जिल्हा परिषद शाळेत अनधिकृत प्रवेश करून विद्यार्थ्यांमध्ये बसत चित्रीकरण केल्याप्रकरणी ‘कॉकरोच जनता पार्टी’चे प्रमुख अभिजीत दिपके, अजिंक्य शिंदे यांच्यासह सहा जणांवर गुन्हा दाखल करण्यात आला आहे. शाळेची परवानगी न घेता चित्रीकरण, शिक्षकांच्या कामात अडथळा आणि धमकी दिल्याचे आरोप करण्यात आले आहेत. विशेष म्हणजे, याच शाळेत ‘स्कूल चलो’ अभियानांतर्गत पाहणी करत दिपकेंनी खासगी शाळेतील विद्यार्थी आढळल्याचा दावा केला होता. आता त्यांच्यावरच गुन्हा दाखल झाल्याने या प्रकरणाला नवे वळण मिळाले आहे.
Gayatri Laxmikant Maliलातूरच्या औसा तालुक्यातील उजनी येथील जिल्हा परिषद शाळेची दुरवस्था पाहून अभिजीत दिपके यांनी शिक्षण व्यवस्थेवर टीका केली. विद्यार्थ्यांना मूलभूत सुविधा मिळत नसल्याचा आरोप करत त्यांनी शिक्षणमंत्री दादा भुसे यांच्या राजीनाम्याची मागणी केली. ‘स्कूल ठीक करो’ अभियानांतर्गत पाहणीदरम्यान शाळेची रखडलेली कामे, सुविधांचा अभाव आणि ग्रामस्थांच्या तक्रारीही समोर आल्या.
Sukanya Peraneलातूरच्या औसा शहरातील जिल्हा परिषद केंद्रीय प्राथमिक शाळेत खासगी शाळेचे विद्यार्थी आढळल्याचा दावा ‘स्कूल ठीक करो’ अभियानादरम्यान करण्यात आला आहे. कॉकरोच जनता पार्टीचे प्रमुख अभिजीत दिपके यांनी पाहणी केली असता काही विद्यार्थ्यांनी आपण खासगी शाळेतील असल्याचे सांगितल्याचे नमूद करण्यात आले. या प्रकाराबाबत संबंधित अधिकाऱ्यांकडून माहिती न मिळाल्याने त्यांनी पंचायत समिती कार्यालयाकडे धाव घेतली असून, कारवाई न झाल्यास आंदोलनाचा इशारा दिला आहे.
Gayatri Laxmikant MaliMMRDAच्या 235 इंजिनिअर पदांच्या भरती परीक्षेच्या निकालावर काही उमेदवारांनी आक्षेप घेतल्यानंतर प्राधिकरणाने तीन सदस्यीय उच्चस्तरीय समितीमार्फत तक्रारींची चौकशी करण्याचा निर्णय घेतला आहे. उमेदवारांना पुरावे आणि कागदपत्रांसह 30 दिवसांत तक्रार करण्याची संधी देण्यात आली असून, चौकशी पूर्ण होईपर्यंत भरतीची पुढील प्रक्रिया स्थगित राहणार आहे.
Sukanya Peraneमुंबई विद्यापीठाने शैक्षणिक वर्ष 2026-27 पासून परीक्षा पद्धतीत मोठा बदल केला आहे. विद्यापीठ आणि संलग्न महाविद्यालयांमधील विद्यार्थ्यांना परीक्षेच्या निर्धारित वेळेच्या 30 मिनिटे आधी परीक्षा कक्षात उपस्थित राहणे अनिवार्य करण्यात आले आहे. पेपरफुटीला आळा घालणे, पडताळणी प्रक्रिया सुरळीत करणे आणि परीक्षा अधिक शिस्तबद्ध पद्धतीने घेणे हा या निर्णयामागील उद्देश आहे.
Sukanya PeraneIMA आणि सेंट्रल MARDच्या विरोधानंतर BHMS डॉक्टरांची महाराष्ट्र मेडिकल कौन्सिलमधील नोंदणी न्यायालयाच्या अंतिम निर्णयापर्यंत स्थगित करण्यात आली आहे. आता मुंबई उच्च न्यायालयाच्या निर्णयाकडे वैद्यकीय क्षेत्राचे लक्ष लागले आहे.
Sukanya Peraneपुणे जिल्ह्यातील जिल्हा परिषद शाळांमधील १०३ विद्यार्थ्यांना NASA, युरोपियन स्पेस एजन्सी (ESA) आणि ISROच्या अभ्यास दौऱ्याची संधी मिळाली आहे. पुणे जिल्हा परिषद आणि IUCAA यांच्या संयुक्त विद्यमाने घेण्यात आलेल्या निवड प्रक्रियेत या विद्यार्थ्यांची निवड झाली.
Gayatri Laxmikant Maliहिंगोलीतील संतुक पिंपरीत अभिजीत दिपकेंनी ‘स्कूल ठीक करो’ अभियान सुरू केले. ZP शाळेतील फुटक्या खिडक्या, अस्वच्छ शौचालये आणि पोषण आहारातील कथित तफावत समोर आली. विद्यार्थी व पालकांच्या समस्या नोंदवून त्यांचा डेटा संकलित केला जाणार आहे.
Sahir Shaikhसावित्रीबाई फुले पुणे विद्यापीठातील स्पर्धा परीक्षा केंद्रातील आदिवासी आणि अनुसूचित जातीच्या विद्यार्थ्यांचे रद्द केलेले प्रवेश पूर्ववत करण्याच्या मागणीसाठी RPI आठवले गटाच्या विद्यार्थी संघटनेने धरणे आंदोलन केले. केंद्राचे संचालक आणि समन्वयक यांच्या राजीनाम्याची मागणीही आंदोलकांनी केली.
Gayatri Laxmikant Maliझारखंडमध्ये कथित पेपर लीक आणि परीक्षेतील अनियमिततेविरोधात सुरू असलेल्या विद्यार्थी आंदोलनावरून सरकारने विविध विद्यार्थी संघटनांशी चर्चा केली. मात्र, चर्चेत ठोस तोडगा निघाला नाही. आंदोलकांनी 14वी JPSC परीक्षा रद्द करण्यासह सर्व मागण्या मान्य होईपर्यंत आंदोलन सुरू ठेवण्याचा निर्णय घेतला आहे. NSUIने संशयित JPSC-JSSC परीक्षांची 90 दिवसांत CID चौकशी आणि NTAच्या धर्तीवर Jharkhand Testing Agency (JTA) स्थापन करण्याची मागणी केली आहे. सरकारने विद्यार्थ्यांच्या मागण्या मुख्यमंत्री हेमंत सोरेन यांच्यासमोर मांडण्याचं आश्वासन दिलं आहे.
Madhura Manbhekarजळगाव जिल्हा क्रीडा संकुलात पोलीस भरतीची तयारी करणाऱ्या उमेदवारांच्या सराव शुल्कात १५० रुपयांवरून ६०० रुपयांपर्यंत वाढ करण्यात आल्याने तरुणांमध्ये नाराजी निर्माण झाली आहे. या शुल्कवाढीच्या निषेधार्थ विद्यार्थ्यांनी जी. एम. फाउंडेशन कार्यालयासमोर आंदोलन करत मंत्री गिरीश महाजन यांना घेराव घातला. ग्रामीण आणि आर्थिकदृष्ट्या सामान्य कुटुंबातील विद्यार्थ्यांना ही वाढ परवडणारी नसल्याचे सांगत शुल्कवाढ मागे घेण्याची मागणी करण्यात आली. दरम्यान, गिरीश महाजन यांनी आंदोलक विद्यार्थ्यांशी चर्चा करून संबंधित विषयाची माहिती घेऊन योग्य निर्णय घेण्याचे आश्वासन दिले.
Madhura ManbhekarNEET-PG 2026 परीक्षेसाठी केंद्र सरकारने अनेक महत्त्वाचे बदल जाहीर केले आहेत. विद्यार्थ्यांना घराजवळ परीक्षा केंद्र मिळावे यासाठी केंद्र निवडीची नवीन पद्धत लागू करण्यात आली असून, परीक्षा शहराची माहिती तीन आठवडे आधी दिली जाणार आहे. यंदा 200 ऐवजी 180 प्रश्न असतील आणि त्यासाठी 210 मिनिटांचा वेळ मिळणार आहे. परीक्षा एकाच शिफ्टमध्ये घेतली जाणार असून, आधार पडताळणी, बायोमेट्रिक तपासणी आणि कडक सुरक्षा उपायांमुळे परीक्षा अधिक पारदर्शक करण्याचा प्रयत्न केला जाणार आहे. NEET-PG 2026 साठी 2.73 लाखांहून अधिक विद्यार्थ्यांनी नोंदणी केली असून, देशभरातील 340 शहरांमध्ये परीक्षा आयोजित केली जाणार आहे.
Shoaib Nadafसावित्रीबाई फुले पुणे विद्यापीठातील 133 संविदा सहायक प्राध्यापकांच्या भरती प्रक्रियेत कथित गैरव्यवहार आणि आरक्षण नियमांचे उल्लंघन झाल्याचा आरोप करत आंदोलनकर्त्यांनी बेमुदत आमरण उपोषण सुरू केले आहे. भरती प्रक्रिया रद्द करून नव्याने पारदर्शक पद्धतीने भरती करावी, तसेच संपूर्ण प्रकरणाची निष्पक्ष चौकशी करून दोषींवर कठोर कारवाई करावी, अशी त्यांची मागणी आहे. दरम्यान, या आरोपांवर विद्यापीठ प्रशासनाची अधिकृत प्रतिक्रिया अद्याप समोर आलेली नाही.
Madhura ManbhekarMPSC च्या Drugs Inspector भरती परीक्षेतील कथित पेपरफुटी आणि निकालावरून पुन्हा वाद निर्माण झाला आहे. राष्ट्रवादी युवक काँग्रेस (शरदचंद्र पवार) पक्षाचे प्रदेशाध्यक्ष मेहबूब शेख यांनी या प्रकरणाची स्वतंत्र, निष्पक्ष आणि पारदर्शक चौकशी करण्याची मागणी केली असून, डिजिटल फॉरेन्सिक तपास, सर्व्हर लॉग्सची पडताळणी आणि चौकशीचा अहवाल सार्वजनिक करण्याची मागणीही केली आहे.
Sakshi Megha Prabhuभारतातील परीक्षा पद्धतीमध्ये पारदर्शकता आणण्यासाठी आणि पेपर लीकच्या घटनांना पूर्णपणे आळा घालण्यासाठी पंतप्रधान मोदींनी ६ सदस्यीय उच्चस्तरीय 'परीक्षा सुधारणा टास्क फोर्स'ची घोषणा केली आहे. या समितीचे अध्यक्षपद 'आधार'चे जनक नंदन निलेकणी भूषवणार असून, यात इस्रोचे माजी अध्यक्ष डॉ. एस. सोमनाथ, आयबीचे माजी संचालक तपन कुमार डेका, आयआयटी मद्रासचे संचालक प्रा. व्ही. कामкоटी, सीबीएसईच्या माजी अध्यक्षा अनिता करवाल आणि अमृत लाल मीना यांसारख्या दिग्गजांचा समावेश आहे. ही टास्क फोर्स आधुनिक तंत्रज्ञानाचा वापर करून नॅशनल टेस्टिंग एजन्सीच्या (NTA) संपूर्ण सिस्टीमला सुरक्षित आणि लीक-प्रूफ बनवण्यासाठी काम करणार आहे.
Sakshi Megha PrabhuNEET पेपर लीक घोटाळा आणि विद्यार्थ्यांच्या तीव्र आंदोलनानंतर केंद्र सरकार पूर्णपणे ॲक्शन मोडमध्ये आले आहे. परीक्षा पद्धतीतील गैरप्रकार आणि पेपर लीक करणाऱ्या रॅकेटचा कायमचा बिमोड करण्यासाठी सरकार आज लोकसभेत 'पब्लिक एक्झामिनेशन्स अमेंडमेंट बिल' मांडणार आहे. या नवीन कायद्यामध्ये पेपर लीक, ओएमआर (OMR) शीटमधील फेरफार अशा गुन्ह्यांसाठी अजामीनपात्र वॉरंट, कोट्यवधी रुपयांचा दंड आणि दीर्घकालीन तुरुंगवासाची कडक तरतूद करण्यात आली आहे. नवे शिक्षण मंत्री प्रल्हाद जोशी यांच्या नेतृत्वाखाली परीक्षा सिस्टीममध्ये पारदर्शकता आणण्यासाठी हे मोठे पाऊल उचलले जात आहे.
Madhura Manbhekarराष्ट्रवादी काँग्रेस (शरद पवार गट)चे आमदार रोहित पवार यांनी एफडीएच्या औषध निरीक्षक भरती प्रक्रियेत पेपरफुटी झाल्याचा गंभीर आरोप केला. पेपर तयार करणाऱ्या व्यक्तीकडूनच परीक्षेच्या दोन दिवस आधी काही विद्यार्थ्यांना प्रश्नपत्रिका देण्यात आल्याचा दावा त्यांनी केला. या प्रकरणाची निष्पक्ष चौकशी व्हावी, यासाठी आपण एमपीएससी कार्यालय आणि एफडीए आयुक्त तुकाराम मुंढे यांची भेट घेणार असल्याचेही त्यांनी सांगितले.
Madhura ManbhekarNEET परीक्षेतील कथित गैरव्यवहाराविरोधातील आंदोलनाचा विजय हा विद्यार्थ्यांच्या एकजुटीचा असल्याचे राष्ट्रवादी काँग्रेस (शरद पवार गट)चे आमदार रोहित पवार यांनी म्हटले. हा लढा कोणत्याही राजकीय पक्षाचा नसून विद्यार्थ्यांनी उभारलेला असल्याचा दावा त्यांनी केला. आंदोलनामुळे सत्ताधाऱ्यांचा अहंकार मोडल्याचे सांगत, भविष्यातही अन्यायाविरोधात एकत्र येण्याचे आणि मतदान करताना विचारपूर्वक निर्णय घेण्याचे आवाहन त्यांनी केले.
Madhura Manbhekarमुंबईच्या शिवाजी पार्क येथे झालेल्या तिरंगा रॅलीत उद्धव ठाकरे आणि राज ठाकरे यांनी केंद्र सरकारवर जोरदार टीका करत नीट (NEET) पेपरफुटीविरोधात आंदोलन करणाऱ्या विद्यार्थ्यांचे कौतुक केले. उद्धव ठाकरे यांनी तरुणांनी सरकारला झुकवून दाखवल्याचे सांगत अन्यायाविरोधातील लढा सुरू ठेवण्याचे आवाहन केले. तर राज ठाकरे यांनी विद्यार्थी आंदोलनामुळे सरकारला निर्णय बदलावा लागल्याचे म्हटले. त्यांनी नीट प्रकरणानंतर आत्महत्या केलेल्या 21 विद्यार्थ्यांना श्रद्धांजली अर्पण करत दोन मिनिटे मौन पाळण्याचे आवाहन केले.
Madhura Manbhekarदिल्लीतील जंतर-मंतर येथे NEET पेपरफुटीच्या विरोधात आंदोलन करणाऱ्या विद्यार्थ्यांवर झालेल्या कथित लाठीमाराच्या निषेधार्थ महाराष्ट्रभर विद्यार्थी आणि विविध संघटना रस्त्यावर उतरल्या. पुणे, मुंबई, नागपूर, नाशिक आणि छत्रपती संभाजीनगरमध्ये आंदोलने, तिरंगा मार्च आणि निदर्शने करण्यात आली. आंदोलकांनी केंद्रीय शिक्षण मंत्री धर्मेंद्र प्रधान यांच्या राजीनाम्याची मागणी करत पेपरफुटी प्रकरणातील दोषींवर कठोर कारवाई आणि परीक्षा व्यवस्था पारदर्शक करण्याची मागणी केली.
Madhura Manbhekarप्रसिद्ध शिक्षणतज्ज्ञ आणि सामाजिक कार्यकर्ते सोनम वांगचुक यांनी 26 दिवसांचे आमरण उपोषण अखेर मागे घेतले आहे. केंद्र सरकारने त्यांच्या प्रमुख मागण्यांवर सकारात्मक विचार करण्याचे लेखी आश्वासन दिल्यानंतर त्यांनी हा निर्णय घेतला. अमित शाह यांच्या अध्यक्षतेखाली झालेल्या बैठकीनंतर सरकार आणि वांगचुक यांच्यात सहमती झाली. सरकारने पुढील चर्चेचे आश्वासन दिले असून, वांगचुक यांनी आंदोलन शांततेच्या मार्गाने सुरू ठेवण्याचे आणि संवादातून लडाखच्या प्रश्नांवर तोडगा काढण्याचे आवाहन केले.
Madhura Manbhekarदादरमधील विद्यार्थी आंदोलनादरम्यान एका विद्यार्थिनीशी गैरवर्तन झाल्याचा आरोप झाल्यानंतर राज्यात मोठा वाद निर्माण झाला आहे. सोशल मीडियावर व्हायरल झालेल्या व्हिडिओनंतर विरोधी पक्षांनी संबंधित पोलीस कर्मचाऱ्यावर कठोर कारवाईची मागणी केली आहे. मात्र, मुंबई पोलिसांनी हा व्हिडिओ चुकीच्या पद्धतीने मांडला जात असल्याचा दावा करत, पुरुष आंदोलकाला ताब्यात घेण्याच्या प्रयत्नात हा प्रकार घडल्याचे स्पष्टीकरण दिले आहे. या प्रकरणाची चौकशी सुरू असून तपासानंतरच वस्तुस्थिती स्पष्ट होणार आहे.
Madhura Manbhekarमुंबईतील नीट पेपरफुटीविरोधातील आंदोलनादरम्यान ताब्यात घेतलेल्या विद्यार्थ्यांना अंमली पदार्थांच्या खोट्या गुन्ह्यात अडकवण्याची धमकी दिल्याचा व्हिडिओ व्हायरल झाला आहे. या प्रकरणी संबंधित पोलीस कर्मचाऱ्याची बदली करण्यात आली असून वरिष्ठ अधिकाऱ्यांनी चौकशीचे आदेश दिले आहेत. राजकीय नेत्यांनीही या घटनेचा निषेध करत कठोर कारवाईची मागणी केली आहे.