Sahir Shaikh कडील सर्व बातम्या
Sahir Shaikhभोसरी पोलीस ठाण्यात दाखल गुन्ह्यात अटक करण्यात आलेल्या रवी बळीराम तेलंगे यांना मुंबई उच्च न्यायालयाने जामीन मंजूर केला आहे. सुमारे साडेसहा महिने तुरुंगात राहिल्यानंतर त्यांची ₹10 हजारांच्या बाँडवर सुटका करण्याचे आदेश न्यायालयाने दिले आहेत.
Sahir Shaikhबनावट प्रमाणपत्रे आणि शेल कंपन्यांच्या माध्यमातून झालेल्या कथित २,१४३ कोटी रुपयांच्या आर्थिक गैरव्यवहाराच्या तपासात पुण्याचे कनेक्शन समोर आले आहे. पुण्यातील एका खासगी बँकेच्या शाखेतून सुमारे २०० कोटी रुपयांचे संशयास्पद व्यवहार परदेशात झाल्याचा संशय असून, आयकर विभागाकडून या व्यवहारांची चौकशी सुरू आहे.
Sahir Shaikhकल्याणी नगरमधील नागरिकांनी कायदा-सुव्यवस्था, ध्वनिप्रदूषणाविरोधातील कारवाई आणि नागरिकांच्या तक्रारींवर तत्पर प्रतिसादाबद्दल येरवडा पोलीस विभागातील वरिष्ठ अधिकाऱ्यांचा सत्कार केला. गणेश चतुर्थीच्या पार्श्वभूमीवर अधिकाऱ्यांना श्रीगणेशाची फ्रेम भेट देण्यात आली, तर पोलिस कर्मचाऱ्यांना राखी बांधून नागरिक-पोलीस विश्वासाचे नाते अधिक दृढ करण्यात आले.
Sahir Shaikhरुपाली चाकणकर यांच्याबाबत सोशल मीडियावर खोटी, अश्लील आणि बदनामीकारक माहिती प्रसारित केल्याचा आरोप करत त्यांनी पोलिसांत तक्रार दाखल केली. फेसबुक, इन्स्टाग्राम, युट्यूब आणि ट्विटरवरील काही अकाउंट्सचा तक्रारीत उल्लेख असून, पुणे पोलिसांनी 21 ऑगस्ट रोजी गुन्हा नोंदवला आहे.
Sahir Shaikhपुण्यात गणेशोत्सवाच्या ध्वनीव्यवस्थेवरील संभाव्य निर्बंधांवरून शिवसेना आक्रमक झाली आहे. यंदा स्पीकर आणि ध्वनिक्षेपकांवर नवे कठोर निर्बंध लागू करू नयेत, तसेच कोणताही अंतिम निर्णय घेण्यापूर्वी गणेश मंडळांना विश्वासात घ्यावे, अशी मागणी करण्यात आली आहे. प्रशासनाकडून चार बेस आणि चार टॉपच्या ध्वनीव्यवस्थेचा प्रस्ताव चर्चेत असल्याने अंतिम निर्णयाकडे सर्वांचे लक्ष लागले आहे.
Sahir Shaikhपुण्यात २०२३ मध्ये झालेल्या भीषण रस्ता अपघातात कर सल्लागार मकरंद जिंदे यांचा मृत्यू झाला होता. त्यांच्या कुटुंबीयांनी दाखल केलेल्या नुकसानभरपाईच्या दाव्यावर सुनावणी करताना मोटार अपघात दावा प्राधिकरणाने १ कोटी १८ लाख १६ हजार ५५६ रुपये नुकसानभरपाई देण्याचे आदेश दिले.
sahir shaikhखुनाच्या प्रयत्नासह गंभीर गुन्ह्यात गेल्या पाच महिन्यांपासून फरार असलेल्या सोहम ऊर्फ सोन्या मनोहर थोरात (वय २१) याला पुणे गुन्हे शाखेच्या युनिट-२ने कात्रज चौकातून अटक केली. गोपनीय माहितीच्या आधारे पोलिसांनी सापळा रचून त्याला ताब्यात घेतले. चौकशीत संबंधित गुन्ह्यात त्याचा सहभाग असल्याचे निष्पन्न झाल्यानंतर त्याला पुढील कारवाईसाठी सहकारनगर पोलिसांच्या ताब्यात देण्यात आले आहे.
.jpeg)
sahir shaikhपुण्यात अमराठी भाषिक रिक्षाचालकांना प्रवाशांशी सहज संवाद साधता यावा, यासाठी राबवलेल्या मराठी भाषा प्रशिक्षण उपक्रमाला चांगला प्रतिसाद मिळाला. ७२२ रिक्षाचालकांनी प्रशिक्षण पूर्ण करून तोंडी परीक्षा उत्तीर्ण केली असून, १७ ऑगस्ट रोजी पुणे RTOमध्ये त्यांना प्रमाणपत्रांचे वितरण करण्यात आले. दरम्यान, पुणे आणि पिंपरी-चिंचवडमधील आणखी ३५० हून अधिक रिक्षाचालकांना प्रशिक्षण देण्याची मागणी करण्यात आली आहे.
sahir shaikhपुण्यातील गुरुनानक डेअरी अँड स्वीट्सचा FDAने १२ जून रोजी निलंबित केलेला परवाना न्यायालयाने रद्द केला आहे. तपासणीत दुकानाकडून ९८ टक्के नियमांचे पालन होत असल्याचे स्पष्ट झाल्यानंतरही परवाना निलंबित ठेवण्यात आल्याने न्यायालयाने FDAच्या कारवाईवर नाराजी व्यक्त केली. तसेच, कारवाईमुळे झालेल्या आर्थिक नुकसानीपोटी दुकान मालकाला ५ लाख रुपयांची नुकसानभरपाई देण्याचे आदेशही न्यायालयाने दिले आहेत.
Sahir Shaikhपुण्यातील भारती विद्यापीठ पोलीस ठाण्यात महिला शिपायासोबत गैरवर्तन केल्याचा आरोप झाल्याने पोलीस हवालदारावर तातडीने निलंबनाची कारवाई करण्यात आली. किरण देशमुख असे संबंधित हवालदाराचे नाव असल्याची माहिती समोर आली आहे. प्रकरणाची पुढील चौकशी सुरू आहे.
Sahir Shaikhप्रल्हाद गवळी यांनी चंद्रकांत पाटील यांच्या उपस्थितीत भाजपमध्ये प्रवेश केला. महिला वर्गातील ‘बहिणींचा लाडका भाऊ’ ही प्रतिमा, सामाजिक-सांस्कृतिक उपक्रमांमधून निर्माण झालेला जनसंपर्क आणि जुन्या पुण्यातील स्थानिक नेटवर्क भाजपसाठी उपयुक्त ठरू शकते. त्यामुळे पूर्व पुण्यातील आगामी राजकीय समीकरणांमध्ये गवळी यांची भूमिका महत्त्वाची ठरण्याची शक्यता आहे.
Sahir Shaikhसावित्रीबाई फुले पुणे विद्यापीठातील स्पर्धा परीक्षा केंद्रातील आदिवासी आणि अनुसूचित जातीच्या विद्यार्थ्यांचे रद्द केलेले प्रवेश पूर्ववत करण्याच्या मागणीसाठी RPI आठवले गटाच्या विद्यार्थी संघटनेने धरणे आंदोलन केले. केंद्राचे संचालक आणि समन्वयक यांच्या राजीनाम्याची मागणीही आंदोलकांनी केली.
sahir shaikhपुणे गुन्हे शाखा युनिट २ने आंबेगाव परिसरात कारवाई करत तीन संशयितांना ताब्यात घेतले. त्यांच्याकडून मॅग्झीनसह एक पिस्टल आणि दोन जिवंत काडतुसे जप्त करण्यात आली असून, मुद्देमालाची किंमत सुमारे ४० हजार रुपये आहे. आरोपींविरुद्ध आंबेगाव पोलिस ठाण्यात शस्त्र अधिनियम आणि महाराष्ट्र पोलिस अधिनियमांतर्गत गुन्हा दाखल करण्यात आला आहे. पोलिसांच्या माहितीनुसार, तिघांविरुद्ध यापूर्वीही पुणे जिल्ह्यात विविध शरीराविरुद्धचे गुन्हे दाखल आहेत.
Sahir Shaikhकथित ऑडिओ क्लिप प्रकरणावरून काँग्रेस नेते रवींद्र धंगेकर यांनी भाजपवर निशाणा साधत संबंधितांना जाब विचारण्याची मागणी केली आहे. तसेच, कारवाई न झाल्यास चंद्रकांत पाटील यांच्याबाबतचे कथित पुरावे सार्वजनिक करण्याचा इशाराही त्यांनी दिला. मात्र, या दाव्यांची स्वतंत्र पुष्टी झालेली नाही.
sahir shaikhपरदेशात सुपरमार्केटमध्ये नोकरीचे आमिष दाखवत नागपूरच्या २८ वर्षीय महिलेची ११ लाख रुपयांची फसवणूक करण्यात आल्याचा धक्कादायक प्रकार समोर आला आहे. पोर्तुगालमध्ये नेऊन तिला वेश्या व्यवसायासाठी भाग पाडल्याचा आरोप करत महिलेने भारतात परतल्यानंतर पुण्याच्या विमानतळ पोलीस ठाण्यात तक्रार दाखल केली. या प्रकरणी पुण्यातील एजंटांसह सात जणांविरोधात गुन्हा दाखल करण्यात आला असून, मानवी तस्करीच्या रॅकेटचा पोलीस तपास करत आहेत.
sahir shaikhलोणावळा शहर पोलिसांनी सीसीटीव्ही फुटेज, तांत्रिक विश्लेषण, Google Pay व्यवहार आणि गुप्त माहितीच्या आधारे चोरीच्या गुन्ह्याचा यशस्वी छडा लावत २ लाख २१ हजार रुपयांचा मुद्देमाल हस्तगत केला आहे. या प्रकरणी हरिदास बाळू कोळेकर याला मुंबईतील मानपाडा (कल्याण) येथून अटक करण्यात आली. आरोपीकडून एचपी लॅपटॉप, ॲपलचे दोन मोबाईल, स्मार्ट वॉच, एअरपॉड्स, रोख रक्कम आणि गुन्ह्यात वापरलेली दुचाकी जप्त करण्यात आली असून, न्यायालयाच्या आदेशानुसार पुढील तपास सुरू आहे.
sahir shaikhअभिनेते रमेश परदेशी (पिठ्या भाई) यांनी फेसबुक पोस्टद्वारे पुण्यातील अनियंत्रित शहरीकरण आणि वाढत्या व्यावसायिकीकरणावर तीव्र नाराजी व्यक्त केली आहे. प्रभात रोड आणि भांडारकर रोडसारख्या शांत परिसरांचे स्वरूप झपाट्याने बदलत असल्याची खंत व्यक्त करत, रहिवासी भागात बहुमजली आणि व्यावसायिक प्रकल्पांना परवानगी देण्यावर त्यांनी प्रश्नचिन्ह उपस्थित केले. वाढती लोकसंख्या, संभाव्य पाणीटंचाई, झाडांची घट आणि कचरा व्यवस्थापनाच्या समस्यांकडे लक्ष वेधत त्यांनी नियोजनबद्ध विकास आणि कठोर प्रशासनिक उपाययोजनांची मागणी केली.
sahir shaikhपुण्यातील कल्याणीनगर पोर्शे अपघात प्रकरणात रक्ताचे नमुने बदलल्याच्या आरोपातील ससून रुग्णालयातील शिपाई अतुल नामदेव घटकांबळे याला मुंबई उच्च न्यायालयाने जामीन मंजूर केला आहे. या निर्णयानंतर या बहुचर्चित प्रकरणातील सर्व 10 आरोपींना जामीन मिळाला असून, मुख्य खटल्याची सुनावणी मात्र न्यायालयात सुरू राहणार आहे.
sahir shaikhपुणे शहरातील युवासेना अधिक मजबूत करण्यासाठी शिवसेनेने आर्किटेक्ट आणि उच्चशिक्षित हेमंत बागुल यांची युवासेना पुणे महानगर अध्यक्ष म्हणून नियुक्ती केली आहे. उपमुख्यमंत्री एकनाथ शिंदे यांच्या आदेशानुसार झालेल्या या नियुक्तीनंतर बागुल यांनी युवकांचे संघटन, रोजगार, करिअर मार्गदर्शन आणि सामाजिक कार्याला प्राधान्य देण्याचा निर्धार व्यक्त केला. आगामी स्थानिक स्वराज्य संस्थांच्या निवडणुकांच्या पार्श्वभूमीवर ही नियुक्ती महत्त्वाची मानली जात आहे
NEET-UG 2026 पेपरफुटी प्रकरणात CBI ने मोठी कारवाई करत NTA चे तीन विषयतज्ज्ञ, अनेक मध्यस्थ आणि दोन कोचिंग संस्थांशी संबंधित व्यक्तींसह एकूण 13 आरोपींविरोधात आरोपपत्र दाखल केले आहे. या आरोपपत्रात 360 साक्षीदार, 422 कागदपत्रे आणि 43 भौतिक पुरावे सादर करण्यात आले आहेत. महाराष्ट्रासह विविध राज्यांतील 92 ठिकाणी छापेमारी करून तपास यंत्रणेने पेपरफुटीची संपूर्ण साखळी उघड केल्याचा दावा केला असून, सर्व आरोपी सध्या न्यायालयीन कोठडीत आहेत. या प्रकरणाचा पुढील तपास CBI कडून सुरू आहे.