रुपाली चाकणकर यांच्या कल्याणीनगर येथील ‘द नाईन्स’ बार अँड रेस्टॉरंटवर काँग्रेस नेत्या संगीता तिवारी यांनी आर्थिक प्रश्न उपस्थित केले आहेत. सुमारे 20 हजार चौरस फुटांच्या या रेस्टॉरंटची कथित किंमत 35 कोटी रुपये असल्याचा दावा करत तिवारी यांनी 'एवढा पैसा कुठून आला', असा सवाल केला आहे. मात्र, तिवारी यांनी केलेल्या दाव्यांना अद्याप अधिकृत पुष्टी मिळालेली नाही. या आरोपांवर रुपाली चाकणकर यांची भूमिका समोर आल्यानंतर अधिक स्पष्टता होण्याची शक्यता आहे.
कोंढव्यात ३ लाख रुपयांच्या कर्जापोटी ८.८० लाख रुपये व्याज भरल्याचा महिलेचा दावा. दरमहा २० टक्के व्याज आकारणी, घराला कुलूप लावण्याची धमकी आणि फोन-व्हॉट्सॲपवरून धमकावल्याचा आरोप; कोंढवा पोलिसांकडून तपास सुरू.
सावित्रीबाई फुले पुणे विद्यापीठातील 133 संविदा सहायक प्राध्यापकांच्या भरती प्रक्रियेत कथित गैरव्यवहार आणि आरक्षण नियमांचे उल्लंघन झाल्याचा आरोप करत आंदोलनकर्त्यांनी बेमुदत आमरण उपोषण सुरू केले आहे. भरती प्रक्रिया रद्द करून नव्याने पारदर्शक पद्धतीने भरती करावी, तसेच संपूर्ण प्रकरणाची निष्पक्ष चौकशी करून दोषींवर कठोर कारवाई करावी, अशी त्यांची मागणी आहे. दरम्यान, या आरोपांवर विद्यापीठ प्रशासनाची अधिकृत प्रतिक्रिया अद्याप समोर आलेली नाही.
Shoaib Nadaf
