Sukanya Perane कडील सर्व बातम्या
Sukanya Peraneऑल इंडिया स्टुडंट्स असोसिएशनच्या (AISA) अध्यक्षा नेहा बोरा यांना दिल्ली उच्च न्यायालयाकडून दिलासा मिळालेला नाही. शांतता राखण्यासाठी 10 हजार रुपयांचा वैयक्तिक बॉण्ड आणि एक जामीनदार सादर करण्यासंदर्भातील नोटीसविरोधात दाखल केलेली याचिका न्यायालयाने फेटाळली आहे. मात्र, विशेष कार्यकारी दंडाधिकाऱ्यांना काही महत्त्वाचे निर्देश देण्यात आले आहेत.
Sukanya Peraneनवी मुंबईतील नेरुळ रेल्वे स्थानकाबाहेर प्रेमसंबंधातील वादातून २१ वर्षीय तरुणीवर प्रियकराने चाकूने प्राणघातक हल्ला केल्याची घटना घडली. नवी मुंबई आंतरराष्ट्रीय विमानतळावर कार्यरत असलेल्या सादिया शेखचा उपचारादरम्यान मृत्यू झाला. या प्रकरणी नेरुळ पोलिसांनी आरोपी दानिश अन्सारीला काही तासांत अटक केली आहे.
Sukanya Peraneभारतातील सर्वात लांब रेल्वे मार्गावर धावणारी विवेक एक्सप्रेस आसाममधील दिब्रुगढ ते तामिळनाडूमधील कन्याकुमारी असा तब्बल 4,188 किलोमीटरचा प्रवास करते. सुमारे 75 तासांच्या या प्रवासात विविध राज्यांतील निसर्गसौंदर्य, संस्कृती आणि खाद्यपरंपरा अनुभवता येतात.
Sukanya Peraneडोंबिवलीतील गोळवली परिसरातील लॉजमध्ये २३ वर्षीय फिजिओथेरपीच्या विद्यार्थिनीने आत्महत्या केल्याची घटना समोर आली आहे. प्रेमसंबंध तोडल्यानंतर खासगी फोटो आणि व्हिडिओ व्हायरल करण्याची धमकी देऊन मानसिक छळ केल्याचा आरोप तरुणीच्या वडिलांनी केला आहे. याप्रकरणी मानपाडा पोलिसांनी सुमित खवळे याला अटक केली आहे.
Sukanya Peraneकोल्हापूरच्या पन्हाळा तालुक्यातील सातवे गावात 19 वर्षीय तरुणाने चुलत्याच्या घरातून 15 तोळे सोन्याचे दागिने चोरून त्यातून मिळालेल्या पैशांत नवी थार खरेदी केल्याचा प्रकार उघडकीस आला आहे. विशेष म्हणजे, ज्या चुलत्याच्या घरातून चोरी झाली, त्यांनाच गाडीच्या पूजेसाठी आमंत्रित केल्याने हा संपूर्ण प्रकार समोर आला. पोलिसांनी पुतण्यासह सोनाराला अटक केली आहे.
Sukanya Peraneमहाराष्ट्रात पावसाअभावी दुष्काळाचे संकट गडद झाले असतानाच ऑक्टोबर हीटचा तडाखा वाढला आहे. मुंबई, नवी मुंबई, सोलापूर, नाशिकसह अनेक शहरांमध्ये तापमान 35 अंश सेल्सिअसच्या पुढे गेले आहे. हिवाळ्याची चाहूल लागण्याच्या काळातही उन्हाची तीव्रता कायम असल्याने नागरिक हैराण झाले आहेत.
Sukanya Peraneमनोज जरांगे पाटील यांनी समोर आणलेल्या ५०० कोटी रुपयांच्या कथित ऑडिओ क्लिपवरून महाराष्ट्राचे राजकारण तापले आहे. मनसे अध्यक्ष राज ठाकरे यांनी या प्रकरणात भाजपवर गंभीर आरोप करत मुख्यमंत्री देवेंद्र फडणवीस यांच्याकडे निष्पक्ष चौकशी आणि ठोस कारवाईची मागणी केली आहे. केवळ फॉरेन्सिक अहवालापुरते प्रकरण मर्यादित ठेवू नका, असे आव्हानही त्यांनी दिले आहे.
Sukanya Peraneसाताऱ्यातील यशोदा टेक्निकल कॅम्पसच्या वसतिगृहात 19 वर्षीय पूजा माने या विद्यार्थिनीने आत्महत्या केल्याची घटना समोर आली आहे. कराडजवळील भीषण अपघातात तिचा जवळचा मित्र सुयश चिंचकर याचा मृत्यू झाला होता. या घटनेनंतर पूजा मानसिक तणावाखाली असल्याचे सांगण्यात येत असून, तिच्या मृत्यूमागील नेमक्या कारणाचा पोलीस तपास करत आहेत.
Sukanya Peraneमुंबईत एकाच दिवशी अनेक महत्त्वाच्या ठिकाणांवर बॉम्बस्फोट घडवण्याच्या धमक्या ई-मेलद्वारे देण्यात आल्या आहेत. अमिताभ बच्चन यांचा 'जलसा' बंगला, महापौर रितू तावडे यांचे कार्यालय, दादरमधील शाळा आणि दिलजीत दोसांझ यांच्या कॉन्सर्टला लक्ष्य करण्याचा इशारा देण्यात आला आहे. या पार्श्वभूमीवर पोलीस यंत्रणा सतर्क झाली असून धमकीच्या ई-मेलचा तपास सुरू आहे.
Sukanya Peraneपुण्यातील कोंढवा-पारगे नगरमध्ये PMC ने अनधिकृत बांधकामांवर कारवाई केली. पाडकामादरम्यान मशिदीच्या छतावर खांब कोसळल्याची घटना घडली, तर धूळ आणि रस्त्यांच्या नुकसानीमुळे नागरिक त्रस्त झाले. परिसरातील इतर अनधिकृत बांधकामांवर कारवाई का होत नाही, असा सवाल उपस्थित करत नागरिकांनी निष्पक्ष कारवाई, सुरक्षितता आणि रस्तेदुरुस्तीची मागणी केली आहे.
.jpg)
Sukanya Peraneजळगाव जिल्ह्यातील जामनेर तालुक्यात मका काढणीचे काम सुरू असताना भीषण दुर्घटना घडली. मका काढणीच्या मशीनमध्ये अडकून 37 वर्षीय शेतकरी योगेश भावालाल पाटील यांचा दुर्दैवी मृत्यू झाला. कुटुंबाचा उदरनिर्वाह करणाऱ्या शेतकऱ्याच्या अचानक निधनामुळे तीन मुलांचे पितृछत्र हरपले असून, संपूर्ण परिसरात हळहळ व्यक्त होत आहे.
Sukanya Peraneकृत्रिम बुद्धिमत्तेच्या (AI) वाढत्या वापरामुळे जगभरातील नोकऱ्यांवर संकट निर्माण होत आहे. ब्रिटनमधील बार्कलेज बँकेने 2026 अखेरपर्यंत तब्बल 5,000 पदे कमी करण्याची घोषणा केली आहे. विशेष म्हणजे, बँकेने तिसऱ्या तिमाहीत 2.3 अब्ज पाउंडचा नफा कमावला असतानाही हा निर्णय घेतला आहे. दुसरीकडे अ‍ॅमेझॉननेही जवळपास 1,000 कर्मचाऱ्यांची कपात केल्याने जागतिक रोजगार क्षेत्रात चिंतेचे वातावरण आहे.
-1792052534994.webp)
Sukanya Peraneदिवाळी आणि लग्नसराईच्या पार्श्वभूमीवर सोन्याच्या खरेदीला वेग येण्याची शक्यता आहे. मात्र, सोने दिवाळीपूर्वी खरेदी करणे फायदेशीर ठरेल की दिवाळीनंतर? सोन्याचे दर, ज्वेलर्सच्या ऑफर्स आणि गुंतवणुकीच्या दृष्टीने कोणता पर्याय योग्य ठरू शकतो, जाणून घ्या.
Sukanya Peraneमुकेश अंबानी यांच्या जिओ प्लॅटफॉर्म्सच्या आयपीओला गुंतवणूकदारांचा जबरदस्त प्रतिसाद मिळत आहे. दुसऱ्याच दिवशी दुपारपर्यंत आयपीओ 3.47 पट सबस्क्राईब झाला असून, सुमारे 3.5 लाख कोटी रुपयांच्या बोली लागल्याची माहिती समोर आली आहे. संस्थात्मक गुंतवणूकदारांसह किरकोळ गुंतवणूकदारांनीही मोठा सहभाग नोंदवला आहे. आयपीओमध्ये अर्ज करण्याची अंतिम मुदत 23 ऑक्टोबर 2026 आहे.
Sukanya Peraneमहाराष्ट्र सरकारने सामायिक सातबाऱ्यावरील जमीन विक्रीसाठी नवीन नियम लागू केले आहेत. भूमिअभिलेख विभागाची मोजणीची 'क' प्रत असल्यास सहहिस्सेदारांची NOC आवश्यक नाही. मात्र, 'क' प्रत नसल्यास इतर सहहिस्सेदारांची लेखी संमती बंधनकारक असून त्याशिवाय दस्त नोंदणी होणार नाही.
Sukanya Peraneमीरा-भाईंदरमध्ये सरकारी शाळेत शिक्षकाची नोकरी मिळवून देण्याचे आमिष दाखवून दोन महिलांची तब्बल 21 लाख 46 हजार रुपयांची फसवणूक केल्याचा धक्कादायक प्रकार उघडकीस आला आहे. दिवंगत उपमुख्यमंत्री अजित पवार यांचा पीए असल्याची बतावणी करणाऱ्या तुलसीदास जाधव याला पोलिसांनी सोलापुरातून अटक केली आहे. आरोपीविरोधात महाराष्ट्रातील विविध ठिकाणी अशाच प्रकारचे 11 गुन्हे दाखल असल्याची माहिती समोर आली आहे.
Sukanya Peraneसोन्याच्या दरात गेल्या महिन्याभरात मोठी घसरण झाली आहे. 24 कॅरेट सोन्याचा दर 1,53,780 रुपयांवरून 1,46,270 रुपये प्रति तोळा झाला आहे. म्हणजेच महिन्याभरात सोन्याच्या दरात सुमारे 7,510 रुपयांची घट झाली आहे. दिवाळीनंतर सुरू होणाऱ्या लग्नसराईच्या पार्श्वभूमीवर सोनं खरेदी करण्याचा विचार करणाऱ्या ग्राहकांसाठी ही महत्त्वाची बातमी आहे.
Sukanya Peraneअभिनेता टायगर श्रॉफवरील कथित हल्ला आणि लॉरेन्स बिष्णोई गँगच्या जबाबदारीच्या दाव्यानंतर महाराष्ट्रातील राजकीय वातावरण तापलं आहे. मनसेप्रमुख राज ठाकरे यांनी या प्रकरणावर भाष्य करत कायदा-सुव्यवस्थेचा प्रश्न उपस्थित केला. ‘देशात लॉ आहे, पण ऑर्डर नाही,’ असं म्हणत त्यांनी सरकारवर निशाणा साधला.
Sukanya Peraneमुख्यमंत्री माझी लाडकी बहीण योजनेनंतर आता महाराष्ट्र सरकारचा लक्ष एकल महिलांकडे असणार आहे. राज्यातील 12 लाखांहून अधिक एकल महिलांसाठी नवीन योजना आणण्याच्या तयारीत सरकार असल्याची माहिती मंत्री चंद्रकांत पाटील यांनी दिली. वडील नसलेल्या विद्यार्थ्यांची माहितीही सरकारकडून गोळा केली जात आहे. मात्र, नव्या योजनेचे स्वरूप, लाभाची रक्कम आणि अंमलबजावणी याबाबत अद्याप अधिकृत तपशील समोर आलेला नाही.
Sukanya PeraneMH-CET परीक्षेच्या आयोजनाबाबत आणि डिसेंबर महिन्यात परीक्षा होणार असल्याच्या चर्चांमुळे विद्यार्थ्यांमध्ये संभ्रम निर्माण झाला आहे. यावर CET सेलने अधिकृत परिपत्रक जारी करत स्पष्टीकरण दिले आहे. परीक्षेबाबत कोणतीही अधिकृत घोषणा झालेली नसून, विद्यार्थ्यांनी सोशल मीडियावरील अफवांवर विश्वास ठेवू नये, असे आवाहन करण्यात आले आहे.
Sukanya Peraneकॉकरोच जनता पक्षाचे (CJP) नेते सौरव दास आणि आशुतोष रांका यांना जामीन मंजूर झाल्याने मोठा दिलासा मिळाला आहे. दिल्लीतील एसईएम न्यायालयाने दिल्ली पोलिसांची आणखी तीन दिवसांची कोठडी मागण्याची विनंती फेटाळली. दोघेही आठ दिवसांपासून कोठडीत होते. या प्रकरणात दोन स्वतंत्र एफआयआर दाखल करण्यात आले असून, त्यांच्यावर विविध कलमांनुसार गुन्हे नोंदवण्यात आले आहेत.
Sukanya Peraneपुण्यातील एमपीएससी आंदोलनातून चर्चेत आलेले विद्यार्थी नेते विवेकानंद पाटील यांनी राजकारणात प्रवेश करण्याबाबत आपली भूमिका स्पष्ट केली आहे. पक्षाच्या प्रवक्तेपदासाठी अनेक ऑफर आल्या होत्या, मात्र लाखो रुपये दिले तरी कोणत्याही पक्षाचा प्रवक्ता होणार नसल्याचे त्यांनी सांगितले. विद्यार्थ्यांचे प्रश्न मांडण्यासाठी रस्त्यावर उतरून लढत राहणार असल्याचा निर्धारही त्यांनी व्यक्त केला.
Sukanya Peraneमनसेप्रमुख राज ठाकरे यांनी देशातील राजकीय परिस्थिती, केंद्र सरकार आणि निवडणूक प्रक्रियेवर भाष्य करत मोठी राजकीय घडामोड घडण्याचे संकेत दिले आहेत. पुढील दोन ते पाच महिन्यांत देशात काहीतरी मोठं घडेल, तसेच काही काळ देशाला पंतप्रधान नसेल, असं भाकीत त्यांनी केलं. यासोबतच त्यांनी बॅलेट पेपरवर मतदान घेण्याची मागणी करत लोकशाही संस्था, आंदोलक विद्यार्थ्यांवरील कारवाई आणि अभिव्यक्तिस्वातंत्र्याच्या मुद्द्यावर केंद्र सरकारवर टीका केली.
Sukanya Peraneमुंबईतील इन्स्टिट्यूट ऑफ केमिकल टेक्नॉलॉजी (ICT) येथे इंजिनिअरिंगच्या दुसऱ्या वर्षात शिकणाऱ्या सिद्धेश पाटील या विद्यार्थ्याचा वसतिगृहात मृत्यू झाल्याची धक्कादायक घटना समोर आली आहे. मूळचा नाशिकचा असलेल्या सिद्धेशने घटनेपूर्वी आपल्या डॉक्टरांना मेसेज करून मनात आत्महत्येचे विचार येत असल्याचे सांगितले होते. डॉक्टरांनी तातडीने कुटुंबीयांना माहिती दिली. कुटुंबीयांनी मित्रांशी संपर्क साधून त्याच्यापर्यंत पोहोचण्याचा प्रयत्न केला; मात्र, त्यापूर्वीच दुर्दैवी घटना घडली. या प्रकरणाचा तपास माटुंगा पोलीस करत आहेत.
Sukanya Peraneदसरा मेळाव्यात एकनाथ शिंदे यांना मुख्यमंत्री करण्याची मागणी काही शिवसेना नेत्यांनी केल्यानंतर मुख्यमंत्रीपदाच्या चर्चेला पुन्हा सुरुवात झाली आहे. यावर अॅड. गुणरत्न सदावर्ते यांनी शिंदे यांच्यासह शिवसेना नेत्यांना टोला लगावला. तसेच, टायगर श्रॉफच्या घरावरील गोळीबाराच्या घटनेनंतर शिंदे यांनी केलेल्या वक्तव्यावरूनही त्यांनी टीका केली.
Sukanya Peraneललित प्रभाकर आणि राजकुमार राव यांच्या ‘प्रहार: द उज्ज्वल निकम स्टोरी’ या चित्रपटाच्या बॉक्स ऑफिस कमाईत चौथ्या दिवशी मोठी घट झाली आहे. सोमवारी चित्रपटाने भारतात सुमारे 2 कोटी रुपयांची निव्वळ कमाई केली. दुसरीकडे, आदिनाथ कोठारेच्या ‘नयी नवेली’ने चौथ्या दिवशी 2.50 कोटी रुपयांची कमाई केल्याची आकडेवारी समोर आली असून, दोन्ही चित्रपटांमधील बॉक्स ऑफिसची स्पर्धा रंगली आहे.
Sukanya Peraneशिवसेना (उद्धव बाळासाहेब ठाकरे) गटाच्या दसरा मेळाव्यात नेत्या सुषमा अंधारे यांनी मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्यावर जोरदार टीका केली. शेतकरी संकट, बेरोजगारी, पेपरफुटी, पोलीस भरतीतील कथित भ्रष्टाचार आणि लॉरेन्स बिष्णोई गँगच्या मुद्द्यांवरून त्यांनी सरकारला धारेवर धरले. तसेच, 600 पीएसआयच्या भरतीत प्रत्येकी 18 लाख रुपये घेतल्याचा गंभीर आरोपही त्यांनी केला.
Sukanya Peraneमहाराष्ट्रात सध्या पावसाने दडी मारल्याने शेतकरी परतीच्या पावसाची प्रतीक्षा करत आहेत. अरबी समुद्र आणि बंगालच्या खाडीत होत असलेल्या वातावरणीय बदलांमुळे राज्यातील काही भागांत पावसाची शक्यता वर्तवण्यात आली आहे. कोकण, गोवा आणि मध्य महाराष्ट्रात 20 ते 23 ऑक्टोबरदरम्यान, तर मराठवाड्यात 20 ते 21 ऑक्टोबरदरम्यान काही ठिकाणी पाऊस होण्याचा अंदाज आहे. हा पाऊस झाल्यास रब्बी हंगामातील पिकांसाठी शेतकऱ्यांना दिलासा मिळू शकतो.
Sukanya Peraneकेंद्र सरकारी कर्मचारी आणि निवृत्तीवेतनधारक महागाई भत्त्यातील (DA) संभाव्य वाढीच्या घोषणेची प्रतीक्षा करत आहेत. दरम्यान, केरळ सरकारने राज्य सरकारी कर्मचारी आणि पेन्शनधारकांचा महागाई भत्ता ३५ टक्क्यांवरून ३७ टक्क्यांपर्यंत वाढवण्याचा निर्णय घेतला आहे. केंद्र सरकारकडूनही महागाई भत्त्यात ३ टक्के वाढ होण्याची शक्यता वर्तवली जात असली, तरी याबाबत अद्याप अधिकृत घोषणा झालेली नाही.
Sukanya Peraneमनोज जरांगे पाटील यांनी नारायणगडावरील दसरा मेळाव्यात उपमुख्यमंत्री एकनाथ शिंदे यांच्याशी संबंधित 500 कोटी रुपयांच्या कथित देवाण-घेवाणीबाबत आरोप केले. या आरोपांवर ठाम असल्याचे सांगत, माझ्याकडे पुरावे आहेत, असा दावा जरांगे यांनी केला. दरम्यान, शिवसेना नेते रामदास कदम आणि सचिन अहिर यांनी या प्रकरणावर प्रतिक्रिया देत राजकीय आरोप-प्रत्यारोपांना नवे वळण दिले आहे.
.jpeg)
Sukanya Perane‘संजू’ चित्रपटाच्या यशानंतर राजकुमार हिरानी यांनी त्यांच्या आगामी बायोपिकबाबत महत्त्वाचे संकेत दिले आहेत. केवळ यशोगाथा नव्हे, तर आयुष्यातील चढ-उतार, अपयश, चुका, संघर्ष आणि नातेसंबंध उलगडणारी कथा त्यांना अधिक आकर्षित करते. मात्र, संबंधित व्यक्तीने स्वतःच्या आयुष्यातील चांगल्या-वाईट पैलूंवर प्रामाणिकपणे बोलण्याची तयारी दाखवणे आवश्यक असल्याचे त्यांनी स्पष्ट केले.
Sukanya Peraneठाणे जिल्ह्यातील भाईंदर येथे नवरात्रोत्सवादरम्यान गरबा खेळत असताना ३० वर्षीय मीत रुपडा याचा हृदयविकाराच्या झटक्याने मृत्यू झाला. रविवारी रात्री ही घटना घडली. छातीत दुखू लागल्यानंतर तो अचानक कोसळला. त्याला तातडीने रुग्णालयात दाखल करण्यात आले; मात्र उपचारादरम्यान त्याची प्राणज्योत मालवली.
Sukanya Peraneनागपूरमध्ये राष्ट्रीय स्वयंसेवक संघाच्या विजयादशमी उत्सवात सरसंघचालक मोहन भागवत यांनी जागतिक परिस्थिती, भारतासमोरील आव्हाने, आंदोलनांचे उद्देश आणि राष्ट्रीय एकतेवर भाष्य केले. भारताविरुद्ध आसुरी शक्ती सक्रिय असल्याचे सांगतानाच, लोकशाहीतील आंदोलनांचा उद्देश समस्यांचे निराकरण असावा आणि समाजात फूट पडू नये, असे आवाहन त्यांनी केले.
Sukanya Peraneनांदेड जिल्ह्यातील शेतकरी शंकर क्षीरसागर यांनी कर्जमाफीच्या यादीत नाव नसल्याने आणि मुलीच्या वैद्यकीय शिक्षणाची फी माफ न झाल्याची व्यथा मांडणारा व्हिडीओ शेअर केल्यानंतर आत्महत्या केल्याची घटना समोर आली आहे. या घटनेवर आमदार रोहित पवार यांनी राज्य सरकारवर टीका करत शेतकऱ्यांना वाचवण्यासाठी अहंकार बाजूला ठेवण्याचे आवाहन केले आहे.
Sukanya Peraneमराठी अभिनेता कुशल बद्रिकेने सोशल मीडिया इन्फ्लुएन्सर अथर्व सुदामेवर कांदेपोह्यांच्या कार्यक्रमासाठी घरी बोलावून पाहुणचार न केल्याचा आरोप करत व्हिडीओ शेअर केला होता. यानंतर अथर्व सुदामेने माफी मागतानाचा व्हिडीओ पोस्ट केला असून, ‘सुदाम्यांचे कांदे पोहे’ या कार्यक्रमाची घोषणा केली आहे. हा कार्यक्रम 9 नोव्हेंबर रोजी पुण्यातील बालगंधर्व रंगमंदिर येथे होणार आहे. कुशल बद्रिकेच्या व्हिडीओमुळे या कार्यक्रमाची सोशल मीडियावर चर्चा रंगली आहे
.jpg)
Sukanya Peraneसांगलीत शिक्षक आणि पदवीधर मतदारसंघाच्या प्रचारसभेत मुख्यमंत्री देवेंद्र फडणवीस यांनी बाद होणाऱ्या मतांवरून मिश्किल टोला लगावला. राज्यातील गुंतवणूक, रोजगार, शिक्षकांचे प्रश्न आणि शेतकऱ्यांसाठीच्या योजनांवरही त्यांनी भाष्य केले. दरम्यान, संभाजी भिडे आणि फडणवीस यांच्या भेटीने राजकीय वर्तुळाचे लक्ष वेधले.
Sukanya Peraneलातूरमध्ये एका तरुणाला नग्न करून पट्ट्याने आणि लाथाबुक्क्यांनी बेदम मारहाण केल्याचा धक्कादायक प्रकार समोर आला आहे. तरुणाच्या पार्श्वभागात पेट्रोल टाकल्याचाही आरोप करण्यात आला असून, या घटनेचा व्हिडिओ सोशल मीडियावर व्हायरल झाला आहे. पोलिसांनी एका संशयिताला ताब्यात घेतले असून, अन्य तीन ते चार जणांचा शोध सुरू आहे.
-1.jpg)
Sukanya Peraneनाशिक जिल्ह्यातील मालेगाव शहरातील राष्ट्रीय एकात्मता चौकात हिंदुस्थान पेट्रोलियमच्या टँकरने दुचाकीला जोरदार धडक दिली. या भीषण अपघातात एका महिलेचा जागीच मृत्यू झाला, तर एका चिमुकल्यासह दोघे गंभीर जखमी झाले. शहरात अवजड वाहनांना बंदी असतानाही टँकर शहरात दाखल झाल्याने वाहतूक व्यवस्थेवर गंभीर प्रश्न उपस्थित झाले आहेत.
-1.jpg)
Sukanya Peraneगृहराज्यमंत्री योगेश कदम यांचा स्वीय सहाय्यक असल्याचे भासवून एका सामाजिक कार्यकर्त्याची ५ हजार रुपयांची फसवणूक केल्याचा प्रकार रत्नागिरी जिल्ह्यातील खेडमध्ये समोर आला आहे. मंत्र्यांची भेट घडवून देण्याचे आश्वासन देऊन पैसे घेतल्याप्रकरणी रविराज चिखले याच्याविरोधात खेड पोलीस ठाण्यात गुन्हा दाखल करण्यात आला आहे.
Sukanya Peraneकोल्हापूर जिल्ह्यातील जयसिंगपूरजवळील दानोळी गावात सोमवारी सकाळी अज्ञात हल्लेखोरांनी महेश दळवी यांच्यावर गोळीबार केला. या हल्ल्यात दळवी यांचा मृत्यू झाला असून, दुचाकीवरून आलेल्या दोन हल्लेखोरांचा पोलीस शोध घेत आहेत. भरदिवसा घडलेल्या या हत्येमुळे परिसरात खळबळ उडाली आहे.
Sukanya Peraneबॉलिवूड अभिनेता टायगर श्रॉफच्या कारवर गोळीबार करणाऱ्या तीन संशयितांना राजस्थानमधील कोटा रेल्वे स्थानकावर ताब्यात घेण्यात आले. मात्र, आरोपींच्या अटकेनंतर कोटा पोलिसांनी घेतलेल्या पत्रकार परिषदेमुळे मुंबई आणि राजस्थान पोलिसांमध्ये श्रेयवादाची चर्चा सुरू झाली आहे. मुंबईचे पोलीस आयुक्त देवेन भारती यांनी केलेल्या सूचक पोस्टमुळे या चर्चेला आणखी उधाण आले आहे.
Sukanya Peraneबॉलिवूड अभिनेता टायगर श्रॉफला लक्ष्य करून मुंबईतील जुहू परिसरात गोळीबार करण्यात आल्याच्या वृत्तानंतर खळबळ उडाली आहे. लॉरेन्स बिश्नोई गँगशी संबंधित असल्याचा दावा करणाऱ्या एका व्यक्तीने ऑडिओ संदेशाद्वारे या गोळीबाराची जबाबदारी स्वीकारल्याचे वृत्त आहे. सलमान खानसोबत काम करत असल्यामुळे टायगर श्रॉफला लक्ष्य करण्यात आल्याचा दावा या संदेशात करण्यात आला आहे. तसेच सलमान खानसोबत काम करणाऱ्या इतर कलाकारांनाही धमकी देण्यात आली आहे. मात्र, या ऑडिओ संदेशाची सत्यता आणि बिश्नोई गँगचा प्रत्यक्ष सहभाग अद्याप अधिकृतरीत्या स्पष्ट झालेला नाही.
Sukanya Peraneनाशिकच्या सप्तशृंगी गडाच्या पायथ्याशी मध्यरात्री भीषण अपघात घडला. नांदुरी-अभोणा टी-पॉईंट परिसरात भरधाव कारने दुचाकी आणि दुसऱ्या कारला धडक दिल्यानंतर बंदोबस्तावरील पोलिसांनाही उडवलं. या दुर्घटनेत पोलीस उपनिरीक्षक विजय गायकवाड यांचा मृत्यू झाला असून, पोलीस कर्मचारी आणि भाविकांसह ११ जण जखमी झाल्याची माहिती समोर आली आहे.
Sukanya Peraneकोल्हापूरच्या हातकणंगले तालुक्यातील माणगाव येथे १५ वर्षीय शाळकरी मुलीची धारदार शस्त्राने वार करून हत्या करण्यात आली. या घटनेनंतर गावात संतापाची लाट उसळली असून, ग्रामस्थांनी मोर्चा काढत आरोपीला कठोर शिक्षा देण्याची मागणी केली आहे. महिलांनी हा खटला जलदगती न्यायालयात चालवण्याची मागणी केली आहे.
Sukanya Peraneकोलकात्यातील चोरबागान दुर्गापूजा मंडपात झालेल्या भीषण चेंगराचेंगरीत १९ जणांचा मृत्यू झाला असून २५ जण जखमी झाले आहेत. अचानक आलेला पाऊस, गर्दीच्या नियोजनातील त्रुटी आणि मंडप कोसळण्याच्या शक्यतेबाबत करण्यात आलेली घोषणा यामुळे दुर्घटना घडल्याचा संशय आहे. याप्रकरणी पूजा समितीच्या पदाधिकाऱ्यांसह सात जणांना अटक करण्यात आली असून पोलिसांकडून सखोल तपास सुरू आहे.
Sukanya Peraneजेन झी पिढीबाबत समाजात अनेक गैरसमज असले, तरी ही पिढी अत्यंत माहितीपूर्ण, स्पष्टवक्ती आणि अन्यायाविरोधात आवाज उठवणारी असल्याचे मत आयएएस अधिकारी तुकाराम मुंढे यांनी व्यक्त केले. जेन झीला दांभिकपणा, भेदभाव आणि अधिकारांची उतरंड मान्य नसल्याचे सांगत त्यांनी नव्या पिढीच्या विचारसरणीचे कौतुक केले.
Sukanya Peraneसिंधुदुर्ग जिल्ह्यातील कुडाळ तालुक्यात एकतर्फी प्रेमातून महाविद्यालयीन तरुणी दामिनी पालव हिची धारदार शस्त्राने हत्या करण्यात आल्याची धक्कादायक घटना घडली आहे. प्रेमाला नकार दिल्याने आणि तरुणीचे लग्न ठरल्याच्या रागातून हा खून केल्याचा संशय व्यक्त होत आहे. पोलिसांनी संशयित साहिल धुरीला अटक केली असून पुढील तपास सुरू आहे.
Sukanya Peraneराज्यात अन्न व औषध प्रशासनाच्या धडक कारवाया सुरू असतानाच कार्यक्षेत्राबाहेर जाऊन छापे टाकणाऱ्या अधिकाऱ्यांवर निलंबनाची कारवाई होऊ शकते, असा इशारा मंत्री नरहरी झिरवाळ यांनी दिला आहे. दुसरीकडे, तुकाराम मुंढे यांच्या नेतृत्वाखाली पुणे आणि कोकण विभागात लाखो रुपयांचा संशयास्पद अन्नसाठा जप्त करण्यात आला असून पाच आस्थापनांचे परवाने निलंबित करण्यात आले आहेत.
Sukanya Perane'लेहरा दो तिरंगा' आंदोलनासाठी जात असताना दिल्ली पोलिसांनी ताब्यात घेतलेले कॉकरोच जनता पार्टीचे प्रमुख अभिजीत दिपके यांना अखेर सशर्त जामीन मंजूर झाला आहे. एक वर्ष शांतता राखण्याच्या अटीवर विशेष कार्यकारी दंडाधिकाऱ्यांनी त्यांच्या सुटकेचे आदेश दिले आहेत. या कारवाईमुळे दिल्लीतील आंदोलन आणि नागरिकांच्या निषेधाच्या अधिकारावरून नव्या चर्चेला सुरुवात झाली आहे.
Sukanya Peraneपुण्यातील बहुचर्चित केतन अग्रवाल हत्याप्रकरणात ज्येष्ठ विधिज्ञ उज्ज्वल निकम यांची विशेष सरकारी वकील म्हणून नियुक्ती करण्यात आली आहे. या प्रकरणात पोलिसांनी 5,053 पानांचे आरोपपत्र दाखल केले असून, केतनची होणारी पत्नी सिया गोयल आणि तिचा कथित प्रियकर चेतन चौधरी यांच्याविरोधात गंभीर आरोप करण्यात आले आहेत.
Sukanya Peraneदुष्काळग्रस्त शेतकऱ्यांना दिवाळीपूर्वी ५ हजार रुपयांची अग्रीम मदत देण्याच्या निर्णयावरून राजकीय वातावरण तापले आहे. विरोधकांच्या टीकेला प्रत्युत्तर देताना मुख्यमंत्री देवेंद्र फडणवीस यांनी मोठ्या बंगल्यात राहणाऱ्यांना पाच हजार रुपयांचे महत्त्व समजणार नाही, असा टोला लगावला. तसेच कर्नाटक सरकारच्या मदतीची तुलना करत काँग्रेसवरही निशाणा साधला.
Sukanya Peraneदुष्काळाकडे केवळ संकट म्हणून न पाहता त्यातून व्यवसायाच्या संधी शोधण्याचा सल्ला आयएएस अधिकारी तुकाराम मुंढे यांनी दिला आहे. पिंपरी-चिंचवडमधील ग्लोबल मराठा बिझनेस एक्स्पोमध्ये त्यांनी दुग्ध व्यवसाय, कमी पाण्यात चारा उत्पादन आणि जलसंधारणाचे महत्त्व स्पष्ट केले. हिवरेबाजारचे उदाहरण देत गावातील पाणी गावातच अडवण्याचे आवाहनही त्यांनी केले.
Sukanya Peraneदुष्काळग्रस्त शेतकऱ्यांसाठी राज्य सरकारने जाहीर केलेल्या 5 हजार रुपयांच्या अग्रीम मदतीविरोधात हिंगोलीत तीव्र संताप व्यक्त करण्यात आला. गोरेगाव अप्पर तहसील कार्यालयासमोर शेतकऱ्यांनी नोटांची उधळण करत सरकारचा निषेध केला. आमदार रोहित पवार यांनी ही मदत अपुरी असल्याची टीका करत शेतकऱ्यांना हेक्टरी एक लाख रुपयांची मदत देण्याची मागणी केली.
Sukanya Peraneराज्यातील अंगणवाडी सेविका आणि मदतनीसांसाठी सरकारने दिवाळीपूर्वी मोठी घोषणा केली आहे. तब्बल 2 लाख 14 हजार 97 अंगणवाडी सेविका व मदतनीसांना भाऊबीज भेट म्हणून प्रत्येकी 2 हजार रुपये देण्यात येणार आहेत. यासाठी शासनाने 42 कोटी 81 लाख 94 हजार रुपयांचा निधी उपलब्ध करून दिला आहे.
Sukanya Peraneराजधानी दिल्लीत आयोजित ब्लूमबर्ग न्यू इकॉनॉमी फोरममध्ये पंतप्रधान नरेंद्र मोदी यांनी भारताच्या आर्थिक प्रगतीपासून डिजिटल क्रांतीपर्यंत अनेक महत्त्वाच्या मुद्द्यांवर भाष्य केले. भारत ही लोकशाहीची जननी असून, सरकारचे काम केवळ सत्ता गाजवणे नसून नागरिकांना सक्षम करणे आहे, असे त्यांनी सांगितले. भारताचा 7.8 टक्के आर्थिक विकास दर, 700 अब्ज डॉलरहून अधिक परकीय चलनसाठा आणि 25 कोटी नागरिक गरिबीतून बाहेर आल्याचा दावा करत मोदींनी जागतिक पातळीवर भारताची भूमिका स्पष्ट केली.
Sukanya Peraneठाण्यातील प्रदीप पूर्णेकर हत्याप्रकरणात मोठी घडामोड घडली आहे. माजी महापौर मीनाक्षी शिंदे यांचे पती राजेंद्र शिंदे यांना ठाणे गुन्हे शाखेने चौकशीसाठी बोलावले आहे. विशेष म्हणजे, अटकेत असलेल्या आरोपींसमोर त्यांची चौकशी करण्यात येत असून, या तपासातून हत्येमागील कटाबाबत महत्त्वाची माहिती समोर येण्याची शक्यता आहे.
Sukanya Peraneराज्यातील दुष्काळ निवारणाच्या महत्त्वाच्या बैठकीला उपमुख्यमंत्री एकनाथ शिंदे यांना निमंत्रण न दिल्याच्या चर्चांमुळे महायुतीत नाराजीनाट्य सुरू असल्याची चर्चा रंगली आहे. मात्र, ‘एकनाथ शिंदे नाराज झाले तर स्फोट होतो’, असे वक्तव्य करत बच्चू कडू यांनी या चर्चांना पूर्णविराम देण्याचा प्रयत्न केला. मंत्री उदय सामंत यांनीही शिंदे नाराज असल्याचे वृत्त फेटाळले आहे.
Sukanya Peraneमुख्य निवडणूक आयुक्त ज्ञानेश कुमार यांच्या राजीनाम्याच्या मागणीवरून सुरू असलेल्या आंदोलनादरम्यान केंद्रीय मंत्री पीयूष गोयल यांनी राहुल गांधी आणि काँग्रेसवर जोरदार निशाणा साधला. टी. एन. शेषन, एम. एस. गिल आणि इतर माजी निवडणूक अधिकाऱ्यांची उदाहरणे देत काँग्रेसने आपल्या सत्ताकाळात निवडणूक अधिकाऱ्यांना राजकीय पदे आणि सन्मान दिल्याचा आरोप त्यांनी केला.
Sukanya Peraneमहाराष्ट्र सरकारच्या 'पुण्यश्लोक अहिल्यादेवी होळकर शेतकरी कर्जमुक्ती योजना २०२६' अंतर्गत तिसऱ्या यादीत ३ लाख ५१ हजार १९२ शेतकऱ्यांचा समावेश असल्याची माहिती समोर आली आहे. पात्र शेतकऱ्यांना दोन लाख रुपयांपर्यंतच्या थकीत पीककर्जातून मुक्ती मिळणार असून, त्यासाठी आधार प्रमाणीकरण करणे आवश्यक आहे.
Sukanya Peraneदेशाची राजधानी दिल्लीतील ऐतिहासिक जंतर मंतर हे ठिकाण अधिकृत आंदोलनस्थळांच्या यादीतून वगळण्यात आले आहे. केंद्रीय गृह मंत्रालयाच्या समितीच्या शिफारशीनुसार दिल्ली पोलिसांनी हा महत्त्वपूर्ण निर्णय घेतला आहे. आता रामलीला मैदान, बुराडी मैदान आणि पूर्व दिल्लीतील सीबीडी ग्राउंड ही तीन ठिकाणे आंदोलनांसाठी निश्चित करण्यात आली आहेत. मुख्य निवडणूक आयुक्त ज्ञानेश कुमार यांच्या राजीनाम्याच्या मागणीवरून आणि SIR प्रक्रियेविरोधात सुरू असलेल्या आंदोलनांच्या पार्श्वभूमीवर या निर्णयामुळे राजकीय वातावरण आणखी तापण्याची शक्यता आहे.
Sukanya Peraneमहाराष्ट्रातील मतदारांसाठी निवडणूक आयोगाने महत्त्वाचा निर्णय घेतला आहे. मतदार यादीत नाव नोंदवणे, दुरुस्ती करणे आणि हरकती दाखल करण्यासाठी आता 26 ऑक्टोबर 2026 पर्यंत मुदतवाढ देण्यात आली आहे. अंतिम मतदार यादी 16 नोव्हेंबर रोजी प्रसिद्ध होणार आहे. SIR प्रक्रियेविरोधात सुरू असलेल्या आंदोलनांच्या पार्श्वभूमीवर या निर्णयाला विशेष महत्त्व प्राप्त झाले आहे.
-2.jpg)
Sukanya Peraneमुख्य निवडणूक आयुक्त ज्ञानेश कुमार यांच्या कामकाजावर आणि मतदार याद्यांच्या विशेष सखोल पुनरीक्षण (SIR) प्रक्रियेवर प्रश्नचिन्ह उपस्थित करणाऱ्या याचिकांवर सर्वोच्च न्यायालयात 27 ऑक्टोबर रोजी सुनावणी होणार आहे. सुधारित फॉर्म 6 ला मंजुरी दिलेली नसल्याचे न्यायालयाने स्पष्ट केले आहे. दुसरीकडे, राहुल गांधी यांनीही निवडणूक आयोगाविरोधात याचिका दाखल केली असून, दिल्लीतील विरोधकांचे आंदोलन तीव्र झाले आहे.
Sukanya Peraneमुख्य निवडणूक आयुक्त ज्ञानेश कुमार यांच्या विरोधात दिल्ली आणि मुंबईत सुरू असलेल्या आंदोलनावरून मुख्यमंत्री देवेंद्र फडणवीस यांनी काँग्रेस आणि राहुल गांधींवर जोरदार टीका केली. संवैधानिक संस्थांवरील जनतेचा विश्वास कमी करण्याचा प्रयत्न सुरू असून, विरोधकांचे आंदोलन नियोजनबद्ध असल्याचा आरोप त्यांनी केला.
Sukanya Peraneबुलढाण्यातील शेगाव येथील इंडियन ओव्हरसीज बँकेत शेतकरी, वृद्ध आणि इतर खातेदार पैसे काढण्यासाठी ताटकळत असताना कर्मचाऱ्यांनी शाखा व्यवस्थापकांच्या केबिनमध्ये तब्बल 40 मिनिटे वाढदिवस साजरा केल्याचा आरोप आहे. कार्यालयीन वेळेत झालेल्या या सेलिब्रेशनचे व्हिडिओ व्हायरल झाल्याने संताप व्यक्त होत असून, संबंधित कर्मचाऱ्यांवर कारवाई करण्याची मागणी होत आहे.
Sukanya Peraneपिंपरी-चिंचवडमधील निगडी परिसरात मंदिरात दर्शनासाठी गेलेल्या अल्पवयीन मुलीशी अतिप्रसंग करण्याचा प्रयत्न झाल्याची धक्कादायक घटना समोर आली आहे. मुलीने धाडसाने प्रतिकार करत स्वतःची सुटका करून घेतली. संपूर्ण प्रकार सीसीटीव्हीत कैद झाला असून, निगडी पोलिसांनी संशयित कामगाराला ताब्यात घेतले आहे.
Sukanya Peraneमुंबईतील CJP आंदोलनावरून शिवाजी पार्क आणि शिवसेना भवन परिसरात मोठा तणाव निर्माण झाला. पोलिसांनी आंदोलकांना ताब्यात घेतल्याने आदित्य ठाकरे आणि अमित ठाकरे आक्रमक झाले. शिवसैनिकांना हात लावल्यास महाराष्ट्र बंद पाडण्याचा इशारा आदित्य ठाकरेंनी दिल्याने राजकीय वातावरण चांगलेच तापले.
Sukanya Peraneपुण्यात सुरू असलेल्या MPSC विद्यार्थी आंदोलनाला मनसे अध्यक्ष राज ठाकरे यांनी भेट दिली. यावेळी कोल्हापूरच्या विवेकानंद पाटील या विद्यार्थ्याने “आमदार-खासदार फुटले तेव्हा काही वाटलं नाही, पण MPSC चा पेपर फुटला आणि आमचं आभाळ फाटलं” असे म्हणत संताप व्यक्त केला. राज ठाकरे यांनीही विद्यार्थ्यांच्या रागात सामील असल्याचे सांगत नोकऱ्या आणि परीक्षा प्रक्रियेबाबत सरकारवर टीका केली.
Sukanya Peraneपुण्यातील MPSC विद्यार्थ्यांच्या आंदोलनाला मनसे अध्यक्ष राज ठाकरे यांनी भेट देत विद्यार्थ्यांच्या मागण्यांना पाठिंबा दिला. “मराठी मुलांच्या नोकरीसाठी कोणाचेही पाय धरायला तयार आहे,” असे सांगत त्यांनी सरकारवर दबाव वाढवण्याचे आवाहन विद्यार्थ्यांना केले. 70 हजार पदांच्या मेगा भरतीच्या घोषणेवर प्रश्नचिन्ह उपस्थित करत सरकारच्या खासगीकरणाच्या धोरणांवरही त्यांनी जोरदार टीका केली.
Sukanya Peraneसांगली जिल्ह्यातील ईश्वरपूर परिसरात 20 वर्षीय इंजिनिअरिंग विद्यार्थिनीवर अत्याचार झाल्याचा गंभीर प्रकार समोर आला आहे. शीतपेयातून गुंगीचे औषध देऊन लॉजवर तिच्या इच्छेविरुद्ध अत्याचार करण्यात आल्याचा आरोप पीडितेने केला आहे. तिला मारहाण करून जीवे मारण्याची धमकी दिल्याचाही आरोप असून, ईश्वरपूर पोलिसांनी गुन्हा दाखल करून तपास सुरू केला आहे.
Sukanya Peraneपुण्यात सुरू असलेल्या MPSC विद्यार्थ्यांच्या आंदोलनाच्या पार्श्वभूमीवर मुख्यमंत्री देवेंद्र फडणवीस यांनी मोठे पाऊल उचलले आहे. आयोगाच्या माजी व विद्यमान अध्यक्ष आणि सदस्यांविरोधात संविधानाच्या कलम 317 अंतर्गत कार्यवाहीच्या अनुषंगाने उच्च न्यायालयाच्या निवृत्त न्यायाधीशांच्या अध्यक्षतेखाली चौकशी समिती स्थापन करण्याची शिफारस राज्यपाल जिष्णूदेव वर्मा यांच्याकडे करण्यात आली आहे. समितीकडून तीन महिन्यांत अहवाल मागवण्याची विनंतीही करण्यात आली आहे.
Sukanya Peraneदिवाळीपूर्वी FDA ने अकोल्यातील रायलीजिन परिसरात कारवाई करत दोन ट्रकमधून आलेला 1900 किलो मिठाईचा साठा जप्त केला. सुमारे 5.72 लाख रुपयांचा हा माल अस्वच्छ परिस्थितीत वाहतूक केला जात असल्याचे अधिकाऱ्यांच्या तपासणीत समोर आले. संबंधित व्यापाऱ्यांचे परवानेही निलंबित करण्यात आले आहेत.
Sukanya Peraneमुख्य निवडणूक आयुक्त ज्ञानेश कुमार यांना तत्काळ निलंबित करण्याची मागणी सुप्रीम कोर्टाने मान्य केली नाही. केवळ वृत्तपत्रांतील बातम्यांच्या आधारे अंतरिम आदेश देता येणार नसल्याचे न्यायालयाने स्पष्ट केले. मात्र SIR प्रक्रियेशी संबंधित निर्णय एकतर्फी घेतल्याच्या आरोपांवर केंद्र सरकार, निवडणूक आयोग आणि संबंधित अधिकाऱ्यांना नोटीस बजावत उत्तर मागवण्यात आले आहे.
Sukanya Peraneबारामती तालुक्यातील श्री सोमेश्वर सहकारी साखर कारखान्याच्या निवडणुकीत राजकीय वातावरण तापू लागले आहे. राष्ट्रवादी काँग्रेस शरद पवार गटाच्या ‘सोमेश्वर शेतकरी विकास पॅनल’च्या प्रचाराचा शुभारंभ करताना युगेंद्र पवारांनी शरद पवार आता स्वतः या निवडणुकीत लक्ष घालणार असल्याचे सांगितले. कारखान्यात पारदर्शक कारभार, मेरिटवर भरती आणि सभासदांच्या हिताला प्राधान्य देण्याचे आश्वासन त्यांनी दिले.
Sukanya Peraneमुंबईतील अंधेरी पूर्व परिसरात लग्नाचे आमिष दाखवून एका तरुणीवर तीन वर्षे वारंवार लैंगिक अत्याचार केल्याच्या आरोपाखाली एमआयडीसी पोलिसांनी शिवम दुबे उर्फ चोंग्या याला अटक केली आहे. पीडितेकडून लाखो रुपये आणि महागडी कार घेतल्याचाही आरोप असून, आरोपी इतर तरुणींनाही अशाच प्रकारे फसवत होता का, याचा पोलीस तपास सुरू आहे.
Sukanya Peraneपुण्यात सुरू असलेल्या MPSC विद्यार्थ्यांच्या आंदोलनाला शिवसेना (उद्धव बाळासाहेब ठाकरे) पक्षाचे खासदार संजय राऊत यांनी भेट देत राज्य सरकारवर जोरदार हल्लाबोल केला. विद्यार्थ्यांच्या मागण्या मान्य झाल्या असतील तर आंदोलन सुरू का आहे, असा सवाल करत त्यांनी महाराष्ट्र लोकसेवा आयोगाच्या वरपासून खालपर्यंत शुद्धीकरणाची मागणी केली. आंदोलन दडपण्याऐवजी विद्यार्थ्यांशी आणि आंदोलनकर्त्यांशी चर्चा करण्याचा सल्लाही त्यांनी सरकारला दिला.
Sukanya Peraneबारामती तालुक्यातील प्रतिष्ठेच्या श्री सोमेश्वर सहकारी साखर कारखान्याच्या निवडणुकीत राष्ट्रवादी काँग्रेसमधील अंतर्गत बंडखोरीमुळे राजकीय वातावरण तापले आहे. भाजपच्या पाठिंब्याने ‘लोकनेते अजितदादा सोमेश्वर विकास पॅनल’ रिंगणात उतरवणाऱ्या पुरुषोत्तम जगताप यांनी उपमुख्यमंत्री सुनेत्रा पवारांच्या आव्हानाला उत्तर देताना, “अजितदादा सभासदांच्या मनात आणि आमच्या हृदयात आहेत. त्यांचे नाव मी वापरणारच,” असे म्हटले आहे. निवडणुकीत आता तीन पॅनेल आणि 83 उमेदवार रिंगणात आहेत.
Sukanya Peraneसोलापूर जिल्ह्यातील माढा तालुक्यातील तुळशी गावाने तीव्र दुष्काळ आणि पाणीटंचाईमुळे गाव विक्रीला काढण्याचा निर्णय घेतल्यानंतर प्रशासन आणि राज्य सरकारने या प्रश्नाची गंभीर दखल घेतली. पालकमंत्री जयकुमार गोरे यांनी गावाला भेट देत पिण्याच्या पाण्यासाठी साडेतीन कोटी रुपयांची योजना, सीना-माढा योजनेत परिसरातील गावांचा समावेश आणि तुळशी परिसरासाठी स्वतंत्र 22 कोटी रुपयांचे टेंडर काढण्याचे आश्वासन दिले आहे.
Sukanya PeraneSIR प्रक्रियेशी संबंधित 14 कथित एकतर्फी निर्णयांवरून मुख्य निवडणूक आयुक्त ज्ञानेश कुमार यांच्या विरोधातील दोन याचिकांवर सर्वोच्च न्यायालय 5 ऑक्टोबरला सुनावणी करणार आहे. याचिकांमध्ये निर्णय रद्द करणे, ECINet-ERONetचे फॉरेन्सिक ऑडिट आणि सुमारे 13 कोटी मतदारांची नावे हटवल्याच्या आरोपांची SIT चौकशी करण्याची मागणी करण्यात आली आहे.
Sukanya Peraneपुण्यात सुरू असलेल्या MPSC विद्यार्थ्यांच्या आंदोलनावर केंद्रीय राज्यमंत्री मुरलीधर मोहोळ यांनी प्रतिक्रिया दिली आहे. आयोगाच्या अध्यक्षांचा राजीनामा हा विद्यार्थ्यांच्या भविष्याचा प्रश्न सोडवणारा उपाय नसल्याचे सांगत त्यांनी रोहित पवारांनी विद्यार्थ्यांचा राजकीय वापर करू नये आणि आंदोलन स्थगित करण्याचा विचार करावा, असे म्हटले आहे.
Sukanya Peraneअनुसूचित जातींच्या उपवर्गीकरणाच्या मुद्द्यावरून अॅड. गुणरत्न सदावर्ते यांनी आक्रमक भूमिका घेतली आहे. उपवर्गीकरण होऊ देणार नसल्याचा इशारा देत त्यांनी उपमुख्यमंत्री एकनाथ शिंदे यांच्यावरही टीका केली. मातंग समाजाबाबत केलेल्या त्यांच्या विधानांमुळे या वादाला नवे वळण मिळाले आहे.
Sukanya Peraneगुजरातमधील राजकोट येथे एका भाजी विक्रेत्याने इन्स्टाग्राम रील्स आणि टेलिग्रामवरील माहितीच्या आधारे घरातच 100 आणि 500 रुपयांच्या बनावट नोटा छापल्याचा प्रकार उघडकीस आला आहे. पोलिसांनी आरोपीला अटक करत प्रिंटर, लॅमिनेटर मशीन, कागद आणि इतर साहित्य जप्त केले आहे.
.jpg)
Sukanya Peraneकुणबी जातप्रमाणपत्र अवैध ठरविणाऱ्या जात पडताळणी समितीच्या 10 ऑगस्ट 2026 पूर्वीच्या निर्णयांविरोधात विभागीय आयुक्तांकडे अपील करता येणार नसल्याचा महत्त्वपूर्ण निर्वाळा मुंबई उच्च न्यायालयाच्या औरंगाबाद खंडपीठाने दिला आहे. अशा आदेशांना आव्हान द्यायचे असल्यास संबंधितांना थेट उच्च न्यायालयातच दाद मागावी लागणार आहे.
Sukanya Peraneमुंबईतील वर्सोवा समुद्रकिनारी पोत्यात बांधलेला अंदाजे 35 ते 40 वर्षीय पुरुषाचा मृतदेह आढळला. हत्या करून पुरावा नष्ट करण्यासाठी मृतदेह समुद्रात फेकण्यात आल्याचा पोलिसांचा प्राथमिक संशय असून, वर्सोवा पोलिसांनी अज्ञात आरोपीविरोधात खुनाचा गुन्हा दाखल केला आहे.
Sukanya Peraneरायगडमधील दिवेआगर समुद्रकिनारी सहलीसाठी आलेल्या पुण्यातील आळंदी येथील खासगी क्लासच्या आठ विद्यार्थ्यांचा समुद्रात बुडून मृत्यू झाला. 42 विद्यार्थी आणि दोन शिक्षकांची ही सहल होती. सर्व मृतदेह बाहेर काढण्यात आले असून प्रशासनाकडून घटनेचा तपास सुरू आहे.
Sukanya Peraneशिवभोजन योजनेसाठी राज्य सरकारने नवी नियमावली लागू केली असून प्रत्येक केंद्रावर CCTV बसवणे आणि 90 दिवसांचे फुटेज जतन करणे बंधनकारक करण्यात आले आहे. लाभार्थ्यांना 10 रुपयांत थाळी मिळणार असली तरी पार्सल नेण्यास बंदी असेल. नियमांचे गंभीर उल्लंघन केल्यास किमान 5 हजार रुपयांचा दंड, तर अतिगंभीर गैरप्रकार आढळल्यास केंद्राची मंजुरी कायमची रद्द होऊ शकते.
Sukanya Peraneपुण्यातील घोरपडी येथील राष्ट्रीय युद्ध स्मारक चौकात मिनी स्कूलबसने दुचाकीला दिलेल्या धडकेत 16 वर्षीय रोहित कुदळे याचा उपचारादरम्यान मृत्यू झाला. त्याची 18 वर्षीय बहीण रिया गंभीर जखमी असून तिच्यावर रुग्णालयात उपचार सुरू आहेत. वानवडी पोलिसांनी स्कूलबस चालकाविरुद्ध गुन्हा दाखल केला आहे.
Sukanya Peraneविलास घुले हत्या प्रकरणात खासदार बजरंग सोनवणे यांनी वाल्मिक कराडवर आपल्या मुलाला अडकवण्यासाठी कारागृहातून कट रचल्याचा गंभीर आरोप करत कथित ऑडिओ क्लिप सादर केली आहे. त्याचवेळी धनंजय मुंडे यांनी मुख्यमंत्री देवेंद्र फडणवीस यांची भेट घेत दुष्काळग्रस्त शेतकऱ्यांना पीएम किसान आणि नमो शेतकरी योजनेचे दोन हप्ते एकत्रित देण्याची मागणी केली. त्यामुळे बीडमध्ये हत्या प्रकरण आणि दुष्काळाच्या प्रश्नावर राजकीय घडामोडींना वेग आला आहे.
.jpg)
Sukanya Peraneमहाराष्ट्रातील पदवीधर आणि शिक्षक मतदारसंघांच्या विधान परिषद निवडणुकांसाठी राजकीय हालचालींना वेग आला आहे. पाच मतदारसंघांसाठी 23 ऑक्टोबर 2026 रोजी मतदान होणार असून 27 ऑक्टोबरला मतमोजणी होईल. महायुतीमध्ये जागावाटपासाठी 3-1-1 फॉर्म्युल्याची चर्चा सुरू असताना अमरावती शिक्षक मतदारसंघासाठी काँग्रेसकडून प्रा. आदिती ऋषिकेश पोहरे यांचे नाव पुढे आले आहे.
Sukanya Peraneमुख्य निवडणूक आयुक्त ज्ञानेश कुमार यांच्या राजीनाम्याच्या मागणीसाठी कॉक्रोच जनता पार्टीने २ ऑक्टोबरपासून मुंबईतून देशव्यापी आंदोलन सुरू करण्याची घोषणा केली आहे. आंदोलनानंतर दिल्लीतील जंतर-मंतरवरही आंदोलन करण्याचा इशारा संस्थापक अभिजीत दिपके यांनी दिला आहे. शिवाजी पार्कवरील आंदोलनाला पोलिसांची परवानगी नसतानाही आंदोलन करण्याची भूमिका CJP ने घेतली आहे.
Sukanya Peraneठाण्यात शिवसेना (उबाठा) विभागप्रमुख प्रदीप पूर्णेकर यांच्या हत्येनंतर राजकीय वातावरण तापले आहे. खासदार संजय राऊत यांनी ठाण्यात जाऊन मीनाक्षी शिंदे आणि राजेंद्र शिंदे यांच्यावर गंभीर आरोप करत त्यांची नावे गुन्ह्यात समाविष्ट करण्याची मागणी केली. पोलिसांशी चर्चेनंतर पूर्णेकर यांच्या नातेवाईकांनी केलेले आरोप आणि संशयितांची नावे पुरवणी जबाबात नोंदवण्यात आल्याचे राऊत यांनी सांगितले. पोलिसांकडून हत्येचा तपास सुरू असून राऊत यांनी केलेले आरोप अद्याप तपासाच्या अधीन आहेत.
Sukanya Peraneयंदाच्या गणेशोत्सवात लालबागच्या राजाच्या चरणी भाविकांनी भरभरून दान अर्पण केले. अवघ्या 12 दिवसांत तब्बल 6 कोटी 11 लाख 96 हजार 500 रुपयांचे दान जमा झाले आहे. यामध्ये रोकड, सोन्या-चांदीचे दागिने आणि विविध मौल्यवान वस्तूंचा समावेश आहे. विशेष म्हणजे, एका अज्ञात भाविकाने 24 कॅरेटची तब्बल एक किलो वजनाची सोन्याची वीट अर्पण केली असून तिची किंमत सुमारे 1 कोटी 48 लाख रुपये आहे.
Sukanya Perane1 ऑक्टोबर 2026 पासून बँक खाते, एटीएम व्यवहार, मोठ्या रकमेच्या एफडी, एलपीजी सबसिडी आणि एनआरआय मालमत्ता व्यवहारांशी संबंधित अनेक नियम बदलणार आहेत. तर 15 ऑक्टोबरपासून ₹2,000 पेक्षा जास्तच्या पात्र UPI Person-to-Merchant व्यवहारांवर 0.4 टक्के MDR लागू होणार आहे. याच महिन्यात RBI रेपो रेटबाबतही निर्णय घेणार असल्याने कर्जदार आणि गुंतवणूकदारांचे लक्ष ऑक्टोबरकडे लागले आहे.
Sukanya Peraneराज्यातील दुष्काळी परिस्थितीच्या पार्श्वभूमीवर जलसंपदा विभागाने पाणी व्यवस्थापनासाठी हालचाली वेगवान केल्या आहेत. ऑगस्ट 2027 पर्यंत पिण्याच्या पाण्याला प्राधान्य देत साठा आरक्षित करण्याचे नियोजन केले जाणार आहे. प्रत्येक धरणाचे ऑडिट, प्रकल्पांचा आढावा आणि 2026-27 मधील पाणी नियोजनासाठी सॅटेलाइट डेटाचा वापर करण्यावरही भर देण्यात आला आहे.
Sukanya Peraneदिवाळीत फटाक्यांवर सरसकट पूर्ण बंदी घालण्यास सर्वोच्च न्यायालयाने असहमती दर्शवली आहे. मात्र 24 तास किंवा अनिर्बंध फटाके फोडण्याची परवानगीही दिली जाणार नसल्याचे न्यायालयाने स्पष्ट केले. फटाके फोडण्यासाठी ठराविक वेळ निश्चित करण्याचा विचार सुरू असून, CPCB च्या अहवालानंतर कोणत्या प्रकारच्या फटाक्यांना परवानगी मिळणार हे स्पष्ट होणार आहे.
Sukanya Peraneखार पश्चिम येथे 28 सप्टेंबर रोजी झालेल्या भीषण अपघाताप्रकरणी माजी खासदार आणि निवृत्त ब्रिगेडियर सुधीर सावंत यांच्याविरोधात खार पोलिसांनी गुन्हा दाखल केला आहे. त्यांच्या कारने दुचाकीला धडक दिल्याने 41 वर्षीय BMC कर्मचाऱ्याचा मृत्यू झाला, तर त्यांच्या पत्नीसह आणखी एक दुचाकीस्वार जखमी झाला. अपघाताचा थरार CCTV मध्ये कैद झाला आहे.
Sukanya Peraneदसरा, दिवाळी आणि लग्नसराईपूर्वी सोने-चांदी खरेदी करणाऱ्यांसाठी दिलासादायक बातमी आहे. 30 सप्टेंबर रोजी MCX वर सोन्याच्या दरात पुन्हा ₹1,400 ची घसरण झाली असून भाव ₹1,48,600 प्रति 10 ग्रॅमवर आला आहे. चांदीचा दरही ₹2.32 लाख प्रति किलोच्या आसपास आहे.
Sukanya Peraneकेंद्र सरकारने 2027-28 च्या रब्बी मार्केटिंग हंगामासाठी गहू, बार्ली, हरभरा, मसूर, मोहरी आणि करडईच्या किमान आधारभूत किमतीत वाढ करण्यास मंजुरी दिली आहे. सर्वाधिक ₹675 प्रति क्विंटल वाढ करडईच्या MSP मध्ये करण्यात आली असून गव्हाचा हमीभाव ₹2,610 प्रति क्विंटल झाला आहे.
Sukanya Peraneमुंबईतील मालाड परिसरातील एका क्लिनिकमध्ये तब्बल चार वर्षांपासून 80 वर्षीय वृद्धाचा मृतदेह जतन करून ठेवल्याचा धक्कादायक प्रकार समोर आला आहे. भविष्यातील वैद्यकीय तंत्रज्ञानाच्या मदतीने मृत व्यक्तीला पुन्हा जिवंत करता येईल, या आशेने कुटुंबाने मृतदेह क्रायोनिक्स प्रक्रियेसाठी अमेरिकेत पाठवण्याचा विचार केल्याचे सांगितले जात आहे. पोलिसांनी मृतदेह ताब्यात घेतला असून या प्रकाराच्या कायदेशीरतेबाबत तज्ज्ञांचा सल्ला घेतला जात आहे.
.jpg)
Sukanya Peraneठाण्यातील मानपाडा परिसरात शिवसेना (उद्धव बाळासाहेब ठाकरे) गटाचे विभागप्रमुख प्रदीप पूर्णेकर यांची गोळीबार आणि धारदार शस्त्रांनी हल्ला करून हत्या करण्यात आली. या प्रकरणात पूर्णेकर यांचा जुना मित्र पप्या शिंदे याला पोलिसांनी अटक केली असून, त्यानेच इतर आरोपींना कार्यालयात आणून हल्ल्याचा कट रचण्यात मदत केल्याचा पोलिस तपासातील दावा आहे. अन्य चार आरोपींचा शोध सुरू आहे.
.jpg)
Sukanya Peraneदिल्ली पोलिसांच्या अमली पदार्थविरोधी पथकाने मोठी कारवाई करत बावाना येथील महिला आरोपी पार्वतीच्या घरातून तब्बल 56.69 लाख रुपयांची रोकड, 355 ग्रॅम सोन्याचे दागिने आणि 161 ग्रॅम चांदीचे दागिने जप्त केले आहेत. या प्रकरणात पार्वतीसह तिचा अंगरक्षक आणि राजस्थानमधील कथित ड्रग्ज पुरवठादाराला अटक करण्यात आली आहे. दिल्लीपासून राजस्थानपर्यंत पसरलेल्या आंतरराज्यीय अमली पदार्थ तस्करीच्या जाळ्याचा पोलीस तपास करत आहेत.
Sukanya Peraneकेंद्र सरकारने ईपीएफओची मासिक वेतनमर्यादा 15 हजारांवरून 25 हजार रुपये केली आहे. 17 सप्टेंबर 2026 पासून हा निर्णय लागू झाला असून, ऑक्टोबर हा नव्या नियमांचा पहिला पूर्ण महिना असेल. यामुळे काही कर्मचाऱ्यांच्या हातात येणाऱ्या पगारात दरमहा 600 ते 1,200 रुपयांपर्यंत घट होऊ शकते. मात्र, भविष्य निर्वाह निधीतील बचत आणि निवृत्तीवेतनासाठीचे योगदान वाढणार आहे.
.jpg)
Sukanya Peraneआशियाई क्रीडा स्पर्धा २०२६ मध्ये भारतीय महिला संघाने 4×400 मीटर रिले शर्यतीत सुवर्णपदक पटकावले आहे. किरण, मचेत्तिरा पूवम्मा, प्राची आणि विथ्या रामराज यांनी अवघ्या 3:29.69 मिनिटांत शर्यत पूर्ण करत बहरीन आणि चीनला मागे टाकले. या विजयासह भारताने स्पर्धेतील सहावे आणि ॲथलेटिक्समधील पहिले सुवर्णपदक जिंकले आहे.
Sukanya Peraneकेतन अग्रवाल हत्या प्रकरणात प्रत्यक्षदर्शींना जीवे मारण्याच्या धमक्या दिल्याचा आरोप केतनचे वडील विशाल अग्रवाल यांनी केला आहे. आरोपपत्रातील माहितीचा हवाला देत त्यांनी सिया गोयलच्या कुटुंबीयांच्या भूमिकेवर संशय व्यक्त केला. तसेच साक्षीदारांना संरक्षण देऊन या प्रकरणाची सुनावणी फास्ट ट्रॅक कोर्टात करण्याची आणि सर्व दोषींना कठोर शिक्षा देण्याची मागणी केली आहे.
Sukanya Peraneछत्रपती संभाजीनगरमध्ये अवघ्या एक महिन्याच्या बाळाच्या विक्रीचं धक्कादायक प्रकरण उघडकीस आलं आहे. जन्मदात्यांनी १ लाख २० हजार रुपयांत विकलेल्या बाळाचे पुढील ४८ तासांत आणखी व्यवहार झाल्याचं पोलीस तपासात समोर आलं. नांदेडमार्गे तेलंगणापर्यंत पोहोचलेल्या बाळाची पोलिसांनी सुटका केली असून बालकल्याण समितीच्या आदेशानुसार त्याला संस्थेकडे सुपूर्द करण्यात आलं आहे.
Sukanya Peraneभारतीय शेअर बाजारात सलग दुसऱ्या दिवशी मोठी घसरण पाहायला मिळाली. 29 सप्टेंबर रोजी सकाळच्या व्यवहारात सेन्सेक्स 700 हून अधिक अंकांनी कोसळून 72,064 अंकांपर्यंत खाली आला, तर निफ्टीने 22,600 अंकांची पातळी गमावली. गेल्या काही व्यवहारांमध्ये बीएसईवरील कंपन्यांच्या बाजारमूल्यात सुमारे 14 लाख कोटी रुपयांची घट झाल्याचे समोर आले आहे. अमेरिका-इराण संघर्ष, कच्च्या तेलाच्या वाढत्या किमती आणि विदेशी गुंतवणूकदारांची विक्री यामुळे भारतीय बाजारावर दबाव वाढला आहे.
Sukanya Peraneमुंबईतील खार पश्चिम परिसरात भरधाव कारने दुचाकीला मागून जोरदार धडक दिल्याने ४१ वर्षीय व्यक्तीचा मृत्यू झाला, तर त्यांची पत्नी जखमी झाली. या अपघातात आणखी एका दुचाकीस्वाराच्या हाताला फ्रॅक्चर झाले आहे. अपघाताचा सीसीटीव्ही व्हिडिओ समोर आला असून खार पोलिसांनी ७१ वर्षीय कारचालकाविरोधात गुन्हा दाखल केला आहे.
Sukanya PeraneFDA अधिकाऱ्यांकडून हॉटेल व्यावसायिकांना धमकावून पैसे उकळले जात असल्याचा आरोप खासदार संजय राऊत यांनी केला आहे. या आरोपांवर आयुक्त तुकाराम मुंढे यांनी पुरावे सादर करण्याचं आवाहन केलं आहे. दरम्यान, FDA ने दोन ट्रकमधून १ कोटी २६ लाखांचा गुटखा आणि खामगावमध्ये साडेतीन कोटींचा खाद्यतेलाचा साठा जप्त केल्याची माहिती मुंढे यांनी दिली.
Sukanya Peraneमहाराष्ट्रातील नवजात बालकांच्या आरोग्याच्या दृष्टीने अन्न व औषध प्रशासन विभागाने महत्त्वाचे पाऊल उचलले आहे. दोन वर्षांखालील बालकांसाठी असलेल्या पॅकबंद खाद्यपदार्थांवर पाच महत्त्वाच्या सूचना देणे बंधनकारक करण्यात आल्याची माहिती आयुक्त तुकाराम मुंढे यांनी दिली. उत्पादनांच्या जाहिराती, मोफत नमुने आणि पॅकेजिंगबाबतही त्यांनी महत्त्वाचे निर्देश दिले आहेत.
Sukanya Peraneआजारपण आणि कौटुंबिक संकटे दूर करण्याचे आमिष दाखवून धुळ्यातील मजूर कुटुंबाची १ लाख ६० हजार रुपयांची फसवणूक झाल्याचा प्रकार समोर आला आहे. नाशिकच्या गोदाघाटावर अघोरी विधी करत महिलेच्या डोळ्यांत लिंबाचा रस पिळल्याचा, तसेच तिच्या २१ वर्षीय मुलीचा जबरदस्तीने साखरपुडा केल्याचा आरोप आहे. अंधश्रद्धा निर्मूलन समितीच्या मदतीनंतर पोलिसांत गुन्हा दाखल करण्यात आला आहे.
.jpg)
Sukanya Peraneपुणे विभाग शिक्षक मतदारसंघाच्या निवडणुकीसाठी माजी आमदार दत्तात्रय सावंत यांनी पंढरपूरच्या विठ्ठल मंदिरातील नामदेव पायरी येथे प्रचाराचा शुभारंभ केला. भाजपसोबत उमेदवारीबाबत चर्चा सुरू असल्याचे सांगत त्यांनी येत्या दोन दिवसांत निर्णय होण्याचे संकेत दिले आहेत.
-1.jpg)
Sukanya Peraneनाशिकच्या अंबड परिसरात ३८ वर्षीय विवाहितेने आत्महत्या केल्याची घटना समोर आली आहे. शेअर बाजारात कामाचे आमिष दाखवून महिलेच्या मोबाईलचा रिमोट ॲक्सेस घेत अश्लील व्हिडिओच्या आधारे ब्लॅकमेल केल्याचा आरोप आहे. मुलांना जीवे मारण्याच्या धमक्या दिल्याचाही आरोप मृत महिलेच्या बहिणीने केला असून, सुसाईड नोटच्या आधारे पोलिसांनी संशयित कैलास ऊर्फ बंटी मिस्तरीविरोधात गुन्हा दाखल केला आहे.
Sukanya Peraneमहाराष्ट्रातील 265 तालुक्यांमध्ये दुष्काळ जाहीर करण्यात आला आहे. या पार्श्वभूमीवर केंद्र सरकारने महाराष्ट्रातील दुष्काळी परिस्थितीची प्रत्यक्ष पाहणी करण्यासाठी विशेष पथक पाठवण्याचा निर्णय घेतला आहे. केंद्रीय कृषिमंत्री शिवराजसिंह चौहान यांनीही महाराष्ट्राचा दौरा करणार असल्याचे जाहीर केले आहे. दरम्यान, विदर्भ, मराठवाड्यासह कोकणातील शेतकरीही दुष्काळी मदतीची मागणी करत आहेत.
Sukanya Peraneआशियाई खेळ 2026 मध्ये भारतीय खेळाडूंनी चमकदार कामगिरी केली आहे. विथ्या रामराजने महिलांच्या 400 मीटर अडथळा शर्यतीत कांस्यपदक जिंकत पीटी उषा यांचा 42 वर्षांपूर्वीचा राष्ट्रीय विक्रम मोडला. तर गुलवीर सिंगने पुरुषांच्या 1500 मीटर धावण्याच्या शर्यतीत रौप्यपदक पटकावत या स्पर्धेतील आपले दुसरे पदक जिंकले.
.jpeg)
Sukanya Peraneपुण्यातील विश्रांतवाडी परिसरात १२ वर्षीय अल्पवयीन मुलीवरील लैंगिक अत्याचारप्रकरणी पोलिसांनी ५२ वर्षीय कंत्राटी सफाई कर्मचाऱ्याला अटक केली आहे. पीडित मुलीचा पुरवणी जबाब आणि वैद्यकीय अहवालाच्या आधारे आरोपीविरुद्ध भारतीय न्याय संहिता आणि पॉक्सो कायद्यातील गंभीर कलमांची वाढ करण्यात आली आहे. याबाबतचा अहवाल न्यायालयात सादर करण्याची प्रक्रिया सुरू असून पोलीस पुढील तपास करत आहेत.
Sukanya Peraneभिवंडीतील कथित सामूहिक अत्याचार प्रकरणात भाजपचे माजी आमदार नरेंद्र पवार यांचा अटकपूर्व जामीन अर्ज सत्र न्यायालयाने फेटाळला आहे. या प्रकरणात पवार आणि बडतर्फ पोलीस कर्मचारी शैलेश पाटील यांच्याविरोधात पडघा पोलीस ठाण्यात गुन्हा दाखल करण्यात आला आहे. न्यायालयाच्या निर्णयानंतर पोलिसांच्या पुढील कारवाईकडे लक्ष लागले आहे.
Sukanya Peraneशिवसेना नेत्या आणि विधानपरिषद आमदार नीलम गोऱ्हे यांच्या पुण्यातील मॉडेल कॉलनीतील बंगल्यात पहाटे एका तरुणाने घुसखोरी केल्याची घटना समोर आली आहे. सुरक्षारक्षकांनी पकडलेल्या तरुणाच्या बॅगेत हातोडा, पकड, हातमोजे आणि दहा मीटर लांबीची दोरी आढळली. याप्रकरणी शिवाजीनगर पोलिसांनी तरुणाला अटक केली असून, गोऱ्हे यांनी या घटनेच्या सखोल चौकशीची मागणी केली आहे.
Sukanya Peraneअजित पवारांच्या निधनानंतर दोन्ही राष्ट्रवादी काँग्रेसच्या विलिनीकरणाबाबत सुरू असलेल्या चर्चांवर शरद पवारांनी भूमिका स्पष्ट केली आहे. आपला पक्ष कोणत्याही पक्षात विलीन होणार नसून, ज्यांना एकत्र यायचे आहे त्यांनी आपल्या पक्षात यावे, असे त्यांनी सांगितले. प्रदेशाध्यक्ष शशिकांत शिंदे यांनीही या भूमिकेचा पुनरुच्चार केला आहे.
Sukanya Peraneनिवडणूक आयोगातील दोन आयुक्तांनी गेल्या दहा महिन्यांत १४ वेळा नोंदवलेल्या आक्षेपांच्या वृत्तानंतर ठाण्यात राष्ट्रवादी काँग्रेस (शरदचंद्र पवार) पक्षाने आंदोलन केले. जितेंद्र आव्हाड यांच्या उपस्थितीत मुख्य निवडणूक आयुक्त ज्ञानेश कुमार यांची प्रतीकात्मक धिंड काढण्यात आली, तर सुखबीर सिंग संधू आणि विवेक जोशी यांचा प्रतीकात्मक गौरव करण्यात आला.
Sukanya Peraneभारताचे माजी क्रिकेटपटू विनोद कांबळी यांचा ठाण्यातील वृद्ध सेवा केंद्रातील व्हिडिओ सोशल मीडियावर व्हायरल झाल्यानंतर त्यांच्या प्रकृतीबाबत चर्चा सुरू झाली आहे. कांबळी यांचे जुने मित्र मार्कस कुटो यांनी त्यांच्या घरी जाऊन भेट घेतली असून, त्यांच्या प्रकृतीबाबत महत्त्वाची माहिती दिली आहे. कांबळी यांना वृद्ध सेवा केंद्रात का नेलं जातं आणि व्हायरल व्हिडिओवर त्यांच्या कुटुंबाची काय प्रतिक्रिया आहे, याबाबतही त्यांनी खुलासा केला आहे.
Sukanya Peraneपुण्यातील बी. टी. कवडे रोडवर गणेश विसर्जन मिरवणुकीदरम्यान चालत्या ट्रॅक्टर ट्रॉलीवरून पडल्याने १८ वर्षीय हलगीवादक विघ्नेश पवारचा मृत्यू झाला. काळूबाई चौकाजवळ घडलेल्या या अपघाताचा मुंढवा पोलिसांनी पंचनामा केला.
Sukanya Peraneगुवाहाटीमध्ये कॉकरोच जनता पार्टीच्या प्रस्तावित बैठकीपूर्वी सह-संयोजक आशुतोष रांका यांच्यासह ३० हून अधिक कार्यकर्त्यांना आसाम पोलिसांनी ताब्यात घेतले. या कारवाईवर संताप व्यक्त करत पक्षाचे संस्थापक अभिजीत दिपके यांनी कार्यकर्त्यांची तातडीने सुटका न झाल्यास आसाममध्ये आंदोलन करण्याचा इशारा दिला आहे.
Sukanya Peraneपुण्यातील डीजे आणि ध्वनिप्रदूषणाविरोधात आवाज उठवणारे सामाजिक कार्यकर्ते विद्यानंद बापट यांचा ज्येष्ठ अभिनेते अमोल पालेकर यांच्या हस्ते गौरव करण्यात आला. या कार्यक्रमात अभिनेते सुमित राघवन यांनी बापट यांच्या लढ्याला पाठिंबा दर्शवत, सण-उत्सव घरापुरते मर्यादित ठेवण्याची भूमिका मांडली. तसेच बापट यांचा लढा यापुढे न्यायालयीन आणि कायदेमंडळाच्या पातळीवर सुरू राहणार असल्याचे सांगण्यात आले.
Sukanya Peraneपाच दिवसांच्या कामकाजाच्या आठवड्याच्या मागणीसाठी बँक कर्मचारी संघटनांनी २८ ते ३० सप्टेंबरदरम्यान देशव्यापी संपाची हाक दिली आहे. या संपामुळे सार्वजनिक क्षेत्रातील बँकांच्या कामकाजावर परिणाम होण्याची शक्यता आहे. मात्र, एटीएम, यूपीआय आणि इंटरनेट बँकिंगसारख्या डिजिटल सेवा सुरू राहण्याची अपेक्षा आहे.
Sukanya Peraneकेंद्रीय निवडणूक आयोगाच्या कामकाजाविरोधात कॉकरोच जनता पार्टीने २ ऑक्टोबर रोजी मुंबईतील दादर शिवाजी पार्क येथे आंदोलन आयोजित करण्याची घोषणा केली आहे. या आंदोलनासाठी मुंबई पोलिसांकडे परवानगी मागण्यात आली असून, सामाजिक कार्यकर्ते सोनम वांगचुक यांनी आंदोलनाला पाठिंबा दर्शवला आहे.
Sukanya Peraneमहाराष्ट्रातील दुष्काळसदृश परिस्थितीच्या पार्श्वभूमीवर शरद पवार यांनी मुख्यमंत्री देवेंद्र फडणवीस यांना पत्र लिहून शेतकऱ्यांसाठी तातडीच्या मदतीची मागणी केली आहे. कर्जमाफी, पीक विमा, पिण्याचे पाणी आणि रोजगार हमी योजनेसह विविध उपाययोजना राबवण्याचा आग्रह त्यांनी धरला आहे.
Sukanya Peraneकेंद्रीय राज्यमंत्री रामदास आठवले यांनी रायगडमधील पाली येथे आरपीआयच्या राजकीय ताकदीबाबत मोठं वक्तव्य केलं. पक्षासाठी दोन महामंडळांची अध्यक्षपदं आणि विधान परिषदेची एक जागा मागितल्याचं त्यांनी सांगितलं. यावेळी त्यांनी निवडणूक आयुक्त ज्ञानेश कुमार यांची पाठराखण करत रायगडमधील इतर तालुक्यांनाही दुष्काळी मदतीसाठी विचारात घेण्याची मागणी केली.
Sukanya Peraneदसरा आणि दिवाळीच्या तोंडावर इलेक्ट्रॉनिक वस्तू खरेदी करण्याचा विचार करणाऱ्या ग्राहकांना महागाईचा फटका बसण्याची शक्यता आहे. वाढता उत्पादन खर्च, रुपयाची घसरण आणि कच्च्या मालाच्या वाढलेल्या किमतींमुळे 1 ऑक्टोबरपासून एसी, टीव्ही, फ्रिज आणि वॉशिंग मशीनच्या दरात 3 ते 8 टक्क्यांपर्यंत वाढ होण्याची शक्यता व्यक्त करण्यात आली आहे.
Sukanya Peraneचंदिगढमध्ये प्रेयसीशी लग्न करण्याच्या हट्टातून १८ वर्षीय मुलाने आपल्या पोलीस हेड कॉन्स्टेबल वडिलांची गोळी झाडून हत्या केल्याचा आरोप आहे. त्यानंतर आईचाही गळा आवळून खून करण्याचा प्रयत्न करण्यात आला. विशेष म्हणजे, आरोपी यापूर्वी दोन भावांच्या मृत्यूस कारणीभूत ठरलेल्या अपघातप्रकरणात जामिनावर बाहेर होता.
Sukanya Peraneमोबाईल ग्राहकांसाठी TRAI ने नवीन नियम जाहीर केले आहेत. टेलिकॉम कंपन्यांना आता इंटरनेट डेटाशिवाय केवळ कॉलिंग आणि एसएमएससाठी 30 दिवस किंवा त्यापेक्षा कमी वैधतेचे रिचार्ज पर्याय उपलब्ध करून द्यावे लागणार आहेत. तसेच दर महिन्याला एकाच तारखेला रिन्यू होणाऱ्या प्लॅनचाही पर्याय मिळणार आहे.
Sukanya Peraneअहिल्यानगरमधील विळद घाट परिसरातील मातोश्री वृद्धाश्रमात एका वृद्धाने झोपेत असलेल्या सहकाऱ्यांवर लोखंडी रॉडने हल्ला केल्याची घटना घडली आहे. या हल्ल्यात दोन वृद्धांचा मृत्यू झाला असून सहा जण गंभीर जखमी झाले आहेत. सतत चिडवल्याच्या रागातून हा हल्ला केल्याचा प्राथमिक संशय असून पोलिसांनी आरोपी राजू घुले याला ताब्यात घेतले आहे.
.jpg)
Sukanya Peraneपुण्यातील गणेशोत्सवादरम्यान कर्णकर्कश आवाजाविरोधात लाऊडस्पीकरविरोधी पुणेकर मंचाने उभारलेल्या आंदोलनाचा पहिला टप्पा यशस्वी झाल्याचा दावा मंचाने केला आहे. मंचाच्या ऑनलाइन तक्रार निवारण प्रणालीवर एकूण १५८ तक्रारी प्राप्त झाल्या. त्यापैकी सर्वाधिक ५९ तक्रारी २५ सप्टेंबर रोजी विसर्जनाच्या दिवशी नोंदवण्यात आल्या. धार्मिक असो वा राजकीय, सर्व प्रकारच्या कार्यक्रमांमधील ध्वनिप्रदूषणाविरोधात लढा सुरूच ठेवण्याचा निर्धार मंचाने व्यक्त केला आहे.
Sukanya Peraneरायगड जिल्हा परिषदेचे अध्यक्ष मंगेश वाकडीकर यांचे स्वीय सहाय्यक योगेश भस्मे यांना शिक्षकाच्या बदलीसाठी दीड लाख रुपयांची लाच स्वीकारताना एसीबीने रंगेहात पकडले. न्यायालयाने भस्मे यांना तीन दिवसांची पोलीस कोठडी सुनावली असून, या प्रकरणाचा पुढील तपास सुरू आहे.
Sukanya Peraneसोलापुरातील एमआयटी कॉलेजजवळ विद्यार्थ्यांना पिस्तुलाचा धाक दाखवून लुटणाऱ्या टोळीचा फौजदार चावडी पोलिसांनी पर्दाफाश केला आहे. या प्रकरणात एका आरोपीसह दोन अल्पवयीन मुलांना ताब्यात घेण्यात आले असून, गावठी पिस्तूल, चार जिवंत काडतुसे आणि दुचाकीसह १ लाख ४ हजार रुपयांचा मुद्देमाल जप्त करण्यात आला आहे.
Sukanya Peraneभारतीय स्टेट बँकेने (SBI) बेसिक सेव्हिंग्स बँक डिपॉझिट (BSBD) खातेदारांसाठी रोख रक्कम काढण्याच्या नियमांमध्ये बदल जाहीर केला आहे. १ ऑक्टोबर २०२६ पासून महिन्यातील चार मोफत व्यवहारांनंतर प्रत्येक अतिरिक्त व्यवहारासाठी १५ रुपये आणि जीएसटी आकारला जाणार आहे. एटीएम, बँक शाखा आणि आधारद्वारे पैसे काढण्याच्या व्यवहारांवर हा नियम लागू होईल. मात्र, डिजिटल व्यवहार मोफत राहणार आहेत.
Sukanya Peraneयूपीआय व्यवहारांवरील नव्या एमडीआर शुल्काविरोधात देशभरातील विविध व्यापारी संघटनांनी २ ऑक्टोबर रोजी 'नो यूपीआय डे' पाळण्याचे आवाहन केले आहे. १५ ऑक्टोबरपासून २,००० रुपयांपेक्षा जास्त रकमेच्या काही व्यापारी व्यवहारांवर ०.४ टक्के शुल्क लागू होणार आहे. या निर्णयाच्या निषेधार्थ व्यापारी क्यूआर कोड आणि पेमेंट मशीन काळ्या कापडाने झाकून आंदोलन करणार आहेत. मात्र, देशभरातील यूपीआय सेवा बंद होणार नसल्याने ग्राहकांवर नेमका काय परिणाम होणार, याकडे लक्ष लागले आहे.
.webp)
Sukanya Peraneमुंबई विद्यापीठाच्या कालिना ग्रंथालय प्रकल्पाशी संबंधित कथित भ्रष्टाचार प्रकरणात मंत्री छगन भुजबळ यांना मोठा दिलासा मिळाला आहे. मुंबईतील विशेष न्यायालयाने २४ सप्टेंबर २०२६ रोजी भुजबळांसह अन्य आरोपींना दोषमुक्त केले. या निर्णयामुळे भुजबळ यांच्याविरोधात लाचलुचपत प्रतिबंधक विभागाने दाखल केलेल्या प्रलंबित भ्रष्टाचार प्रकरणांमधील शेवटचा खटलाही निकाली निघाला आहे.
Sukanya Peraneआदिवासी आश्रमशाळांच्या दुरवस्थेवरून अभिजीत दिपके आणि आदिवासी विकास मंत्री अशोक उईके यांच्यात आरोप-प्रत्यारोप सुरू झाले आहेत. काँग्रेस नेत्यांच्या आश्रमशाळांची पाहणी करण्याच्या उईकेंच्या आव्हानाला दिपकेंनी प्रत्युत्तर दिले असून, विद्यार्थ्यांच्या समस्या सोडविल्या नाहीत तर मंत्र्यांविरोधात आंदोलन करण्याचा इशारा दिला आहे.
Sukanya Peraneदिशा सालियान यांच्या वडिलांनी पाठवलेल्या ५०० कोटी रुपयांच्या मानहानीच्या नोटिशीला आदित्य ठाकरे यांनी वकिलांमार्फत २६ पानी उत्तर दिलं आहे. नोटिशीतील सर्व आरोप तथ्यहीन असल्याचं सांगत त्यांनी आरोप फेटाळले आहेत. तसेच, संबंधित प्रकरणाची अधिकृत आणि निष्पक्ष चौकशी करण्याची मागणीही केली आहे.
Sukanya Peraneपुरंदर आंतरराष्ट्रीय विमानतळाच्या जागेला विरोध करणारी शेतकऱ्यांची याचिका मुंबई उच्च न्यायालयाने फेटाळली आहे. आतापर्यंत ९६ टक्के शेतकऱ्यांनी भूसंपादनाला संमती दिल्याची माहिती प्रशासनाने दिली आहे. उर्वरित शेतकऱ्यांना १० ऑक्टोबरपर्यंत मुदतवाढ देण्यात आली असून, त्यानंतर सक्तीने भूसंपादन करण्यात येणार आहे.
Sukanya Peraneआयआयटी बॉम्बेतील विद्यार्थी साहिल वाकोडेच्या मृत्यू प्रकरणाच्या तपासात महत्त्वाची अडचण समोर आली आहे. साहिलचा आयफोन अद्याप अनलॉक झालेला नसल्याने डिजिटल पुराव्यांपर्यंत पोहोचण्यासाठी मुंबई क्राईम ब्राँच तांत्रिक मदत घेत आहे. फोनमधील माहितीवरून परीक्षेदरम्यान ChatGPT वापरल्याच्या आरोपांबाबत नवे धागेदोरे मिळण्याची शक्यता आहे. दरम्यान, आजही काही विद्यार्थ्यांचे जबाब नोंदवले जाणार आहेत.
Sukanya Peraneअकोल्यातील दुष्काळग्रस्त भागाच्या पाहणी दौऱ्यादरम्यान उपमुख्यमंत्री एकनाथ शिंदे यांच्यासमोर शेतकरी समाधान सुरकर यांना अश्रू अनावर झाले. पावसाअभावी पाच एकर शेतीतील सोयाबीन आणि तुरीचे पीक वाळल्याने हतबल झालेल्या सुरकर यांनी आपली व्यथा मांडली. आत्महत्येचा विचार मनात आला होता; मात्र तुम्हाला भेटल्यानंतर तो दूर झाल्याचे त्यांनी शिंदेंना सांगितले.
Sukanya Peraneसोलापूरच्या बार्शी तालुक्यात दुष्काळी परिस्थितीची पाहणी करण्यासाठी आलेल्या मुख्यमंत्री देवेंद्र फडणवीस यांच्यासमोर एका तरुणाने आपली वेगळीच समस्या मांडली. पाऊस आणि पाणी नसल्यामुळे लग्न जुळत नसल्याची व्यथा त्याने सांगितली. यावर मुख्यमंत्र्यांनी पाणीप्रश्न सोडवण्याचे आश्वासन दिले.
Sukanya Peraneमुंबईतील महालक्ष्मी रेसकोर्स परिसरातील प्रसिद्ध रेस्टॉरंटवर अन्न व औषध प्रशासनाने (FDA) मोठी कारवाई केली आहे. तपासणीदरम्यान फ्रीजमधील बर्फावर रक्ताचे डाग, स्वयंपाकघरात झुरळे, मुंग्या आणि अस्वच्छता आढळल्याने रेस्टॉरंटचा परवाना निलंबित करण्यात आला आहे. मुंबईतील इतर खाद्य व्यवसायांवरही एफडीएने कारवाई केली आहे.
Sukanya Peraneमराठा आरक्षणासाठी सुरू असलेले उपोषण मागे घेतल्यानंतर मनोज जरांगे पाटील आणि सत्ताधाऱ्यांमधील शाब्दिक वाद सुरूच आहे. एकनाथ शिंदे यांच्याबाबत जरांगे यांनी केलेल्या वक्तव्याला मंत्री भरत गोगावले यांनी प्रत्युत्तर दिले आहे. शिंदेंच्या कामाचे श्रेय घेण्यावरून आणि ठाण्याला आव्हान देण्यावरून त्यांनी जरांगे यांच्यावर टीका केली आहे.
.jpg)
Sukanya Peraneराज्यातील दुष्काळसदृश परिस्थितीच्या पार्श्वभूमीवर मुख्यमंत्री देवेंद्र फडणवीस यांच्या अध्यक्षतेखाली झालेल्या मंत्रिमंडळ बैठकीत पाच महत्त्वाचे निर्णय घेण्यात आले. दुष्काळ निवारणासाठी महसूल मंत्री चंद्रशेखर बावनकुळे यांच्या अध्यक्षतेखाली मंत्रिमंडळ उपसमिती स्थापन करण्यात आली आहे. येत्या शनिवारपर्यंत प्राथमिक अधिसूचना जारी करण्यात येणार आहे.
Sukanya Peraneपंढरपुरात विठ्ठल-रुक्मिणीच्या दर्शनासाठी जाणाऱ्या भाविकांसाठी महत्त्वाची बातमी आहे. मूर्तींच्या संवर्धनासाठी भारतीय पुरातत्त्व विभागाकडून रासायनिक लेपन करण्यात येणार असल्याने २३ ते २५ सप्टेंबरदरम्यान प्रत्यक्ष दर्शन बंद राहणार आहे.
Sukanya Peraneआयआयटी बॉम्बेतील विद्यार्थी साहिल वाकोडेच्या मृत्यूप्रकरणात वडील रवींद्र वाकोडे यांनी गंभीर आरोप करत प्रा. सूर्यनारायण डुल्ला आणि संचालक शिरीष केदारे यांच्या अटकेची मागणी केली आहे. साहिलला गेल्या तीन महिन्यांपासून जातीवरून मानसिक त्रास दिला जात असल्याचा आरोप त्यांनी केला आहे. या प्रकरणाचा तपास सध्या मुंबई गुन्हे शाखेकडून सुरू आहे.
Sukanya Peraneलालबागच्या राजाच्या दर्शनातील व्हीआयपी संस्कृतीवरून ॲड. गुणरत्न सदावर्ते यांनी मंडळाच्या व्यवस्थापनावर गंभीर आरोप केले आहेत. दर्शनासाठी येणाऱ्या भाविकांच्या सुरक्षेचा मुद्दा उपस्थित करत त्यांनी मृतांच्या कुटुंबीयांना आर्थिक मदत देण्याची आणि संबंधितांची जबाबदारी निश्चित करण्याची मागणी केली आहे.
.jpg)
Sukanya Peraneध्वनीप्रदूषणाविरोधात मुंबई उच्च न्यायालयाने दिलेल्या निर्देशांचे लाऊडस्पीकरविरोधी पुणेकर मंचाने स्वागत केले आहे. सार्वजनिक रस्त्यांवर फटाके फोडण्यास बंदी, मिरवणुकांच्या परवानग्या प्रदर्शित करणे आणि आवाजाच्या मर्यादांचे उल्लंघन झाल्यास कारवाई करण्याबाबत मंचाने आपल्या निवेदनात माहिती दिली आहे. या निर्णयानंतर प्रशासनाने तातडीने अंमलबजावणी करावी, अशी मागणी मंचाने केली आहे.
.jpg)
Sukanya Peraneराज्यातील दुष्काळसदृश परिस्थितीच्या पार्श्वभूमीवर उपमुख्यमंत्री एकनाथ शिंदे यांनी शिवसेनेच्या मंत्र्यांना शेतकऱ्यांच्या बांधावर जाऊन नुकसानीची पाहणी करण्याचे निर्देश दिले आहेत. पिकांचे तातडीने पंचनामे करण्यासह गावोगावी जनता दरबार घेण्याच्या सूचना देण्यात आल्या आहेत. शेतकऱ्यांना संकटातून बाहेर काढण्यासाठी सरकारसोबत शिवसेनाही मदत करणार असल्याचे शिंदे यांनी सांगितले.
.jpg)
Sukanya Peraneबिहारमधील जमुई येथे अल्पवयीन मुलीच्या छेडछाड प्रकरणात पोलिसांनी मोठी कारवाई केली आहे. व्हायरल व्हिडिओमध्ये भगव्या गमछाने चेहरा झाकलेला मुख्य आरोपी नंदन यादव पोलिसांच्या चकमकीत जखमी झाला आहे. त्याच्या पायात गोळी लागली असून, दुसरा आरोपी हरेराम यादवही जखमी झाला आहे. दोघांनाही रुग्णालयात दाखल करण्यात आले आहे.
Sukanya Peraneधुळ्यात अन्न व औषध प्रशासनाने लक्झरी बसमधून वाहतूक करण्यात येणारा तब्बल ५,३८५ किलो खवा जप्त केला आहे. या साठ्याची किंमत १६ लाख ५२ हजार १०० रुपये असून, भेसळीच्या संशयावरून १३ प्रकारच्या उत्पादनांचे नमुने प्रयोगशाळेत तपासणीसाठी पाठवण्यात आले आहेत.
Sukanya Peraneछत्रपती संभाजीनगरमध्ये 80 वर्षीय वृद्धाच्या मृत्यूनंतर त्यांच्या मुलाने अंत्यसंस्कारासाठी मृतदेह स्वीकारण्यास सुरुवातीला नकार दिल्याचा प्रकार समोर आला आहे. वृद्धाश्रमाच्या संचालिका उमा तुपे यांनी वारंवार संपर्क साधल्यानंतरही कुटुंबीयांकडून प्रतिसाद न मिळाल्याने पोलिसांत तक्रार करण्याचा इशारा दिला. त्यानंतर कुटुंबीय मृतदेह ताब्यात घेण्यासाठी पोहोचल्याची माहिती आहे.
Sukanya Peraneडीजे आणि ध्वनीप्रदूषणाविरोधातील भूमिकेमुळे सध्या चर्चेत असलेल्या विद्यानंद बापट यांच्या गुणवत्तेची दखल तब्बल 22 वर्षांपूर्वीच रत्नागिरीतील गोळपवासीयांनी घेतली होती. 2004 मध्ये आयोजित विद्यार्थी गुणगौरव सोहळ्यात तत्कालीन राष्ट्रवादी युवक जिल्हाध्यक्ष आणि विद्यमान उद्योगमंत्री उदय सामंत यांच्या हस्ते बापट यांचा सत्कार करण्यात आला होता. या कार्यक्रमाच्या जुन्या वृत्तपत्रातील बातम्यांची कात्रणं आणि फोटो आता सोशल मीडियावर व्हायरल होत आहेत.
Sukanya Peraneमहाराष्ट्रात सण-उत्सवांदरम्यान होणाऱ्या ध्वनीप्रदूषणाचा मुद्दा आता मुंबई हायकोर्टात पोहोचला आहे. न्यायालयाने या प्रकरणाची सुमोटो दखल घेत राज्य सरकारकडून ध्वनीप्रदूषणाच्या नियमांची अंमलबजावणी आणि त्यासंदर्भातील अहवाल मागवला आहे. नियमांचे उल्लंघन झाल्यास साऊंड सिस्टीम जप्त करून गुन्हे दाखल करण्याचे निर्देशही देण्यात आले आहेत.
.jpg)
Sukanya Peraneगणेशोत्सवाच्या काळात अंगाला सिल्वर रंग लावून देव किंवा महापुरुषांच्या वेशात लहान मुलांकडून भीक मागून घेतली जात असल्याच्या प्रकारावर मनसे नेते अमित ठाकरे यांनी चिंता व्यक्त केली आहे. असा प्रकार कुठेही दिसल्यास तो तातडीने थांबवण्याचे आवाहन त्यांनी महाराष्ट्र सैनिक आणि नागरिकांना केले आहे.
Sukanya Peraneपुण्यात कर्णकर्कश्य लाऊडस्पीकर आणि ढोल-ताशांच्या आवाजाबाबत 112 क्रमांकावर करण्यात येणाऱ्या तक्रारींचे योग्य निवारण होत नसल्याचा आरोप लाऊडस्पीकरविरोधी पुणेकर मंचाने केला आहे. 20 सप्टेंबरच्या रात्री मंचाने 24 तक्रारी ई-मेलद्वारे थेट पोलीस आयुक्तांना पाठवल्याचे सांगितले असून, सायलेंट झोनची अंमलबजावणी, विभागवार अधिकाऱ्यांचे संपर्क क्रमांक आणि ध्वनी पातळीची आकडेवारी तातडीने जाहीर करण्याची मागणी केली आहे.
Sukanya Peraneमुंबईतील कोस्टल रोडवर रविवारी पहाटे भरधाव BMW कारचा भीषण अपघात झाला. कार पुलाचे रेलिंग तोडून सुमारे 75 फूट खाली कोसळल्याने तीन तरुणांचा मृत्यू झाला, तर एक तरुण गंभीर जखमी झाला. अपघातानंतर घटनास्थळी दिसलेलं दृश्य प्रत्यक्षदर्शींच्याही अंगावर काटा आणणारं होतं.
Sukanya Peraneबिहारच्या जमुई जिल्ह्यात अल्पवयीन मुलगी आणि तिच्या मित्रासोबत गैरवर्तन व छेडछाड झाल्याचा व्हिडिओ सोशल मीडियावर व्हायरल झाल्यानंतर या प्रकरणावर रोहिणी खडसे यांनी तीव्र प्रतिक्रिया दिली आहे. “ही अंधभक्तांची जमात फोफावत चालली आहे,” असं म्हणत त्यांनी अशा प्रवृत्तींवर कठोर कारवाई करण्याची मागणी केली. दरम्यान, या प्रकरणात तीन आरोपींना अटक झाली असून राष्ट्रीय महिला आयोगानेही दखल घेतली आहे.
-1781007766627_m.webp)
Sukanya Peraneपंढरपूर तालुक्यात 70 वर्षीय वृद्धाच्या हत्येच्या प्रकरणाचा दीड महिन्यानंतर उलगडा झाला आहे. शेतात अर्धवट जळालेल्या अवस्थेत सापडलेल्या मृतदेहाची DNA तपासणीतून ओळख पटली. त्यानंतर पोलिसांनी अवघ्या काही तासांत तपासाची चक्रे फिरवत एका वृद्ध महिलेला अटक केली. प्रेमसंबंधातील वादातून ही हत्या झाल्याचे प्राथमिक तपासात समोर आले असून वादाचे नेमके कारण अद्याप स्पष्ट झालेले नाही.
Sukanya Peraneसोलापूर जिल्ह्यात पावसाने ओढ दिल्याने परिस्थिती गंभीर बनली असून सुमारे 80 टक्के पिकांचे नुकसान झाल्याची माहिती पालकमंत्री जयकुमार गोरे यांनी दिली. पुढील 15 दिवसांत पाऊस न झाल्यास नुकसान 100 टक्क्यांपर्यंत पोहोचू शकते, असेही त्यांनी सांगितले. पंचनामे होईपर्यंत शेतकऱ्यांनी पिकांवर रोटावेटर फिरवू नये, असे आवाहन करताना त्यांनी शरद पवारांच्या प्रस्तावित दुष्काळ दौऱ्यावरही प्रतिक्रिया दिली.
.jpg)
Sukanya Peraneपुणे महापालिकेच्या अग्निशमन दलाने शहरातील पीजी-हॉस्टेलची अग्निसुरक्षेच्या दृष्टीने तपासणी सुरू केली आहे. लोहगाव आणि निंबाळकरनगर परिसरातील तपासणीत अनेक ठिकाणी अग्निशमन यंत्रणा तसेच आवश्यक परवानग्यांचा अभाव आढळल्याचे महापालिकेने म्हटले आहे. 18 सप्टेंबर रोजी विनापरवाना सुरू असलेली 11 पीजी-हॉस्टेल सील करण्यात आली असून, नियमांचे उल्लंघन करणाऱ्या जागामालकांवर एफआयआर दाखल करण्याचे आदेशही देण्यात आले आहेत.
Sukanya Peraneहिंगोली जिल्ह्यात पिकांच्या नुकसानीची पाहणी करण्यासाठी आलेले कृषिमंत्री दत्तात्रय भरणे यांना शेतकऱ्यांच्या रोषाला सामोरे जावे लागले. कर्जमाफीचा लाभ मिळाला नसल्याची तक्रार एका गावातील शेतकऱ्यांनी केली, तर टाकळगाव परिसरात काही शेतकऱ्यांनी भरणे यांचा ताफा अडवत त्यांना काजू-बदाम देऊन निषेध नोंदवला.
Sukanya Peraneमराठा आरक्षण आंदोलक मनोज जरांगे पाटील यांनी 20 दिवसांचे उपोषण स्थगित केल्यानंतर आता त्यांच्या वक्तव्यांवरून राजकीय प्रतिक्रिया उमटत आहेत. शिवसेना शिंदे गटाचे जालना उपजिल्हाप्रमुख धनंजय पोहेकर यांनी जरांगे पाटील यांच्यावर टीका करत त्यांना बीड जिल्ह्यात आंदोलन करण्याचा सल्ला दिला आहे. तसेच उपमुख्यमंत्री एकनाथ शिंदे यांच्यावरील टीका सहन केली जाणार नसल्याचेही त्यांनी म्हटले आहे.
Sukanya Peraneपुण्यातील वाढत्या ध्वनीप्रदूषणाच्या पार्श्वभूमीवर ‘लाऊडस्पीकरविरोधी पुणेकर मंचा’ने नागरिकांना कानांच्या आरोग्याबाबत सतर्क राहण्याचे आवाहन केले आहे. तीव्र आणि सातत्यपूर्ण आवाजामुळे श्रवणशक्तीवर परिणाम होण्यासोबतच चिडचिड, निद्रानाश, एकाग्रतेचा अभाव, रक्तदाबातील बदल यांसारखे त्रास जाणवू शकतात, असा डॉक्टरांचा इशारा मंचाने प्रसिद्ध केलेल्या निवेदनातून मांडला आहे.
Sukanya Peraneआयआयटी मुंबईतील विद्यार्थी साहिल वाकोडे याच्या मृत्यू प्रकरणाला आता नवं वळण मिळालं आहे. साहिलच्या आईने मुलाचा मानसिक आणि शारीरिक छळ झाल्याचा गंभीर आरोप करत न्यायाची मागणी केली आहे. पवई पोलिसांकडून कुटुंबीयांसह काही विद्यार्थ्यांचे जबाब नोंदवले जात असून मृत्यूपूर्वी नेमक्या कोणत्या घटना घडल्या, याचा तपास सुरू आहे.
Sukanya Peraneपुण्यातील भांडारकर रस्ता परिसरातील एका प्रसिद्ध साडी शोरूममध्ये पहाटे अज्ञात चोरट्याने शटर तोडून प्रवेश केल्याची घटना समोर आली आहे. कॅश काउंटर आणि केबिनमधील रोकड लंपास करण्यात आली असून, सुमारे 90 हजार रुपयांची चोरी झाल्याचा प्राथमिक अंदाज आहे. विशेष म्हणजे चोरट्याची संपूर्ण हालचाल दुकानातील सीसीटीव्ही कॅमेऱ्यात कैद झाली आहे.
Sukanya Peraneमुंबईतील लालबागच्या राजाच्या दर्शनासाठी मित्रांसोबत आलेल्या जळगावच्या 25 वर्षीय तरुणाची अचानक प्रकृती बिघडली. रांगेतून बाहेर पडल्यानंतर त्याला तातडीने रुग्णालयात नेण्यात आले; मात्र डॉक्टरांनी तपासणीनंतर त्याला मृत घोषित केले.
Sukanya Peraneदिशा सालियन मृत्यू प्रकरणावरून पुन्हा राजकीय वातावरण तापलं आहे. सतीश सालियन यांनी आदित्य ठाकरे यांना मानहानीची नोटीस देण्यासाठी मातोश्री गाठल्यानंतर आमदार वरुण सरदेसाई यांनी गंभीर आरोपांना प्रत्युत्तर दिलं. “पुरावा असेल तर समोर आणा, CBI चौकशीत सत्य पुढे येईल,” असं सरदेसाई म्हणाले.
.jpg)
Sukanya Peraneनांदेडमधील दुष्काळ आढावा बैठकीत नेते आणि अधिकारी काजू-बदाम खात असल्याचा व्हिडिओ व्हायरल झाल्यानंतर वाद निर्माण झाला. त्यानंतर हिंगोलीत पिकांची पाहणी करण्यासाठी गेलेल्या कृषिमंत्री दत्तात्रय भरणे यांना शेतकऱ्यांनी काजू-बदाम देत निषेध नोंदवला आणि दुष्काळग्रस्तांसाठी ठोस मदतीची मागणी केली.
Sukanya Peraneदिशा सालियन मृत्यूप्रकरणात न्यायालयात सादर करण्यात आलेल्या कागदपत्रातील एका उल्लेखावरून शिवसेना (उद्धव बाळासाहेब ठाकरे) गटाचे अखिल चित्रे यांनी खासदार नारायण राणे आणि मंत्री नितेश राणे यांच्यावर प्रश्नांची सरबत्ती केली आहे. मात्र या उल्लेखाचा अर्थ नेमका काय आणि चित्रे यांनी कोणते प्रश्न उपस्थित केले? यामुळे प्रकरण पुन्हा चर्चेत आले आहे.
Sukanya Peraneसणासुदीच्या काळात साखरेच्या वाढत्या किमतींमुळे सर्वसामान्यांच्या बजेटवर ताण वाढला होता. मात्र आता साखरेच्या कारखाना स्तरावरील दरात सुमारे 25 टक्क्यांची घसरण झाल्याची माहिती समोर आली आहे. किरकोळ बाजारातील दरही खाली आले आहेत. याच पार्श्वभूमीवर केंद्र सरकारने मोठ्या प्रमाणात साखर वापरणाऱ्या कंपन्यांसाठी साठवणुकीच्या नियमात महत्त्वाचा बदल केला आहे.
Sukanya Peraneदिल्लीतील स्वरूप नगर परिसरात 16 वर्षीय मुलीचा मृतदेह शेतात आढळल्यानंतर पोलिसांनी 50 हून अधिक CCTV कॅमेरे तपासले. संशयास्पद टेम्पोच्या हालचालींचा माग काढत पोलिसांनी 19 वर्षीय तरुणाला अटक केली असून तीन अल्पवयीन मुलांना ताब्यात घेतले आहे. मुलीवर लैंगिक अत्याचार करून तिची हत्या करण्यात आल्याचा पोलिसांचा प्राथमिक तपास आहे.
Sukanya Peraneनाशिकच्या गंगापूर रोडवरील दुभाजकावर लावण्यात आलेली सुमारे 50 विदेशी झाडे रात्रीच्या वेळी कुऱ्हाडीने तोडण्यात आल्याचा प्रकार उघडकीस आला. CCTV फुटेज आणि तांत्रिक तपासानंतर गंगापूर पोलिसांनी एका जाहिरात कंपनीच्या संचालकासह सहा जणांना अटक केली. जाहिरात फलक स्पष्ट दिसावा म्हणून झाडे तोडण्यात आल्याचे पोलिस तपासात समोर आले आहे.
Sukanya Peraneरायगडच्या राजकारणात एकमेकांचे विरोधक म्हणून ओळखल्या जाणाऱ्या भरत गोगावले आणि सुनील तटकरे यांच्यातील दुरावा कमी होत असल्याची चर्चा सुरू असतानाच एका भेटीने शिवसेनेत नाराजीचा सूर उमटला आहे. गोगावले यांनी तटकरे यांच्या निवासस्थानी जाऊन गणपतीचे दर्शन घेतल्यानंतर आमदार महेंद्र दळवी यांनी या निर्णयावर नाराजी व्यक्त करत थेट सवाल उपस्थित केला.
.jpg)
Sukanya Peraneमराठी चित्रपटसृष्टीसाठी अभिमानाची बातमी समोर आली आहे. दिग्दर्शक संतोष दावखर यांच्या ‘गोंधळ’ चित्रपटाची ऑस्कर 2027 साठी भारताची अधिकृत एन्ट्री म्हणून निवड झाली आहे. तब्बल 33 चित्रपटांच्या शर्यतीत ‘गोंधळ’ने बाजी मारली आहे.
Sukanya Peraneगणेशोत्सवानिमित्त दरे गावात आलेल्या उपमुख्यमंत्री एकनाथ शिंदे यांनी विरोधकांच्या टीकेला प्रत्युत्तर दिलं. आपण गावी आलो, दिल्लीत गेलो किंवा लंडनला गेलो तरी काही विरोधकांना ‘पोटदुखी’ होते, असं म्हणत त्यांनी टोला लगावला. एवढंच नाही तर पोटदुखीवर कोणतं झाड आहे ते शोधून त्याची लागवड करणार असल्याचं सांगत त्यांनी आणखी एक विधान केलं. यावेळी शिंदेंनी दुष्काळी परिस्थिती, शेतकऱ्यांचे पंचनामे आणि बांबू लागवडीवरही भाष्य केलं.